الحب الحرام (مكتمله)

البارت5

‎الحب الحرام
‎البارت ٥

‎انشالت الجينكوه باوعت بخوف وارتخيت بنفس الوقت من طلع سلوم
‎سلوم-شهلاء شتسوين هنا
‎شهلاء-اشش لتحجي عليك الله خل تروح خاله
‎سلوم -ذيج خالتج راحت
‎شهلاء-بأبتسامه صدك عليك الله همزين واخذت نفس يعني اگوم اطلع منا
‎بقه يباوع عليه عل صامت كمت وكفت على حيلي ونكتت ملابسي وباوعت داير مداير بعدني توني اريد احجي كلي سلوم

‎سلوم-عمر اذا شافج هسه يرتكب جريمه يمكن بيج ستري علينه وروحي
‎شهلاء-بحزن وينه هو
‎سلوم-روحي شهلاء احجي صدك احسن الج
‎شهلاء-سلوم انت هم ببالك مثل عمر عليه
‎بقه يباوعلي بدون ميحجي

‎ شهلاء-زين بس كلي وينه
‎رفع حاجبه ...باوعتله بتوسل
‎-عليك الله وينه
‎دار وجهه ورفع حاجبه أشرلي باتجاه المكان الموجود بي عمر باوعت من بعيد يفرغ بالكونيه بيهه قواطي من حسيت راح يدور وجهه باتجاه المكان الواكفه بي اني
‎درت وجهي عنه خاف يشوفني واخدت نفس

‎شهلاء-سلوم
‎سلوم-خيرج
‎شهلاء-من صار عصبي وتحلفلي شكال عليك الله شيسوي
‎سلوم -سكتي وخليهه گلب الدنيا واني وكعت بيهه ليگول اني الخاينه

‎شهلاء-والله مخنته
‎سلوم-كال انتهت هالانسانه من حياتي بعد
‎شهلاء-فتحت عيني انتهت هيج يعني حتى بدون ميسمعني
‎ماشي يا عمرررررر ماشي ورحت باتجاه عمر هاده وصلت نص الدرب ووكفت اباوع عليه ابتسمت

‎من كثر معركان صاير بنزركي
‎وحواجبه معقوجات من الشمس وعيونه كوه مفتحهن

‎لكيت قوطيه بالكاع شلتهه ورحت اله جان مدنك خليتهه بالكونيه ودنكت الم بالقواطي بدون مااباوعله ووخايفه من الرزاله لزم ايدي

‎عمر-شكووو جايه وشجابج هنا عوفي القواطي
‎شهلاء-مااعوف وباوعت عليه عيني بعينه صارت
‎عمر-اكلج شعندج هنا جايه
‎شهلاء-عمرررر
‎شهلاء-جر القوطيه من ايدي بحديه فززني حركته الي سحبهه مني فززتني وكام وكف على حيله وعدل الكونيه كمت وكفت

‎-والله بت خالي ....قاطعني بحديه
‎عمر-.....لتحجين ولا حرف واحد ماريد اسمعج
‎شهلاء- خفت احجي شي اكتفيت بالنظر عليه لم القواطي بسرعه من الكاع وشال الكونيه وعافني وهو يمشي واني الحك بي
‎عمر انتظرتك تجي كتلي مااعوفج وعفتني ومتقبل تسمع مني الي صار شنو حكمت عليه بسررعه اسمعني عل اقل
‎فجأه وكف وشمر الكونيه

‎عمر-من اخذج خالج الحد ما شفتج اني نوووووم عيني مشايفته زقنبوت ممطبب بحلگي مكابل بيت خالج وكاعددددد لا اني الاكدر ادخل افلش راسه واخذج ولا اني الاكدر ارجع انطمر واكمل عادي

‎منتظر اشوفج وافهم منج تالي متالي تطلعين شايلتلي الشعرررر والصدريه المشككه من جوه ومطلعه رجليج للعالم صدريتج هم انجبرتي تلبسيهه
‎لو صار عندج ظرف حتى تستعرضين جسمج