الحب الحرام
زينب العبودي
ج٢/البارت ٣٥
اجي اول وحده من فتره طويله اتأخر
واني امشي صار كبالي دكتوره عمار المدير
دكتوره ليش هذا التأخير
باوعت على الساعه كتله عفواً بس اني ممتأخره
لا متأخره ومو بس اليوم كل يوم كاعد تتأخرين دكتوره انتبهي النفسج انسحبت منج رخصة العياده هيج راح تنسحب منج شهادتج هم اذا تبقين هيج لا أبالي انتِ جنتي من اكفئ الكادر الطبي عندي مااقبل هذا التراجع
ليلى-دكتوره عمار
عمار-انتهى النقاش نبهتج وبس
عافني ومشه رحت وراه لحظه لحظه دكتور
نعم ليلى
اني ممتأخره وبعدين شكلك دكتور بعدك مقاري الورقه توقعت اليوم اصلاً موقعهه
مااوقعهه واتوقع كتلج اريدج تتواجدين من وقت بعد اني المدير هنا ومااوقع على هذا القرار الغبي
احنه هنا شنو دورنا انتِ اني شنسوي بهاي المستشفى
جاوبي دكتوره شنو واجبنا هنا ولتكولين نعالج المرضى
لان هذا جواب طالب اول ابتدائي
ليلى-ابتسمت دكتور
عمار-ماكو دكتور وماكو نقاش كلش ضايج منج
اعرف انتِ مريتي بضغوط هواي بس جنت قويه
متوقعت بيوم من الايام راح الكه ورقه استقاله منج
بيوم من الايام جنت اتجول بممر ات المستشفى سمعت دكتوره تنصح مريضه حتى اتذكر كلامهه الحد هاي اللحظه لان عجبني جانت بنيه شابه عدهه حالة يأس الدكتوره جانت تحاول تخليهه تتأمل باختصار جانت تكول للمريضه
حلمك ليس له تاريخ انتهاء صلاحيه خذ نفساً عميقاً وحاول مجدداً
وحتى جانت نصاً
لا تيأس فاليأس من صفات الضعفاء
انتِ الي كلتيهه للمريضه دكتوره واني الي اعرفه دكتوره ليلى قويه مااعرف شنو الي خلاج تتخذين هذا القرار بس اكيد فتره وراح تتراجعين عنه لذلك شمرت الورقة بالنفايات واذا اشوفهه مره ثانيه بمكتبي راح اوقعهه
واكتب جواهه
لا تصلح لتكون دكتوره نفسيه لانها ببساطه انسانه ضعيفه ونحن بحاجه لدكاتره يصنعون الابتسامه والامل للمريض مو الدكتوره ضعيفه
ليلى-دكتور اني راح اترك المستشفى بس هذا مو معناهه اني تخليت عن حلمي القصد بالتخلي راح اتخلى عن الناس الي يحبطون معنوياتي عن الناس الي تحاول تخليك تكون فاشل عن الناس الي تحاول تحطمك للاسف عاشرت هواي هيج نماذج
لذلك قررت اسافر بس مااتحلى عن حلمي بلعكس راح اشتغل اكثر على حلمي
والمرضى الي انتِ ملتزمتهم ومشرفه على علاجهم دكتوره ليش تركيهم بنص الطريق معناهه راح تتخلين عن مبادئج واني الي اعرفه انتِ صاحبة مبادئ
