الحب الحرام
بقلم العبوديه
البارت ١٤
سمعت صوت احد قريب على الباب درت وجهي بخوف عفت العلبه وكبل سديت الكنتور
واخذت البدلات وطلعت صارت بوجهي بثينه باوعتلي باستغراب وكالت
بثينه-شتسوين بغرفة بابا
شهلاء-بارتباك وصاني انطي ذني للسايق
بثينه-هو وصاج شعجب ميحب احد يدخل غرفته لتدخليهه بعد فهمتي ومن يصيحج ويوصيج الي يوصيج بي اخذي من غرفته بوجوده مو من يطلع
واكلج دخلي الغرفتي رتبيهه البنات جانن كاعدات بيهه
وتعلمي مو مل شويه اني اكلج سوي هيج وسوي هيج
شهلاء-بس اني تأخرت
بثينه- ميخالف بس لملميهن شويه لان مابيه حيل
شهلاء-رحت الغرفتهه صايره زريبه انطف بيهه وادردم على ذني الوياهه شكد قذرات حتى الكلنس بالكاع
اكثر شي يخليني انهار هو من انطف وره بنات بعمري
كملتهه بسرعه ونزلت وبيدي جيس الزباله وملابس هشام
لكيت ابو علي بالباب وواكف انور يسولف ويا همزين
رجال جبير سلمت عليه وكتله السيد هشام كال ذني انطيهن للفقير وذني للغسل راد ياخذهن كتله بس لحظه خل اتأكد باوعت عليهن كلت خاف تيهت بينهن
انور-خوما تيهتي بينهن
شهلاء-ياهيه بالضبط ياربي شفت وحده دكمتهه راخيه كتله لا ذني للفقره وذني للغسل عمو انتبه زين مو تغلط بينهن
ابو علي -لا اني هيج اغلط بينهن احسن شي اخليهن كل وحده بجيس واكتب ياهيه للغسل
شهلاء-طلع من السياره جيس وقلم جاف خلاهن ورتبهن وكتب عليهن انور كال ال ابو علي اني داخل لتنسه الوصيتك عليه ودخل اول شي قبل ليوديني طبك بمكان كال هسه اجي واني هم بقيت انتظر شويه وصعد
خله جوه رجله بطاله باوعت عليهن مثل البطل الي نزلته كلت بكلبي غير صلف ولا يجوز هذا انور
وصلني للمنطقه خوش رجال جان وشفته جبير بالعمر كلت عادي مينخاف منه
خليته يدخلني للفرع اخاف من ذاك اليوم وحدي امشي وخاصه بهذا الوكت
وصلت هلكانه خاله جانت تصلي بحيث ملحكت انتظرهه واحجي كبل شمرت روحي عل مده بس جريتلي مخده ونمت من كد ما تعبانه
سمعت صوت صراخ فجأه ركضت بدون حتى مااخلي شي برجلي باوعت سلوم فوك راس عمر وعمر مدمه بس شفت عمر صرخت وهي صرخه وهي فزه وكعده على حيلي والدنيا ظلمه
خليت ايدي على كلبي عمر يمه عمر ...بجيت نزلت دموعي وكمت ادور على موبايلي جوه راسي وكمت تسحبت خاف خاله تسمعني فتحت الباب على كيفي
واتصلت بي كبل جاوب
شهلاء-عمرررر سمعني صوتك انت زين ....
عمر-موزين ابد ولا عيني تاخذ نومه من وراج
شهلاء-اني احبك والله
عمر-جنت ابد مااشك بحبج وواثق بحبج بس هسه لا
شهلاء-انت خانكني واني تعبت من الخنكه والله
عمر-خوفي عليج تعتبري خنگه غيرتي عليج ليش تعتبريهه خنگه اني اخاف عليج شهلاء افهمي حبي الج انتِ صغيره وحلوه وبسرعه تتقشمرين
شهلاء-مو طفله اني محد يكدر يقشمرني
عمر-اي صح والدليل راويه لعبت بعقلج بسرعه
شهلاء-اكرررهه هاي الانسانه متلعب بعقلي لتكول تلعب بعقلي
