الحب الحرام
بقلمي العبوديه
البارت ٣٤
بده صوت الصراخ واني اتسابق ويه رجليه وخايفه ومثل متوقعت حسام مضروب والناس ملتمه شهكت و وكفت اباوع عليه وعيوني كبل دمعت
وسام وسلام ومرت خالي تصرخ وامي
أ باوع عليه راد يشيله وسام وخر ايده وهو يتلاوه من الوجع اباوع الدم تارس قميصه باوع عليه صارت عيني بعينه أبتسم وتلوه من الوجع وخله ايده على گلبه وبأصبعه أشر عليه هزيت راسي ودموعي تنزل وبگلبي اكله
دير بالك تسويهه وتروح كام يختنك عاط سلام على وسام شششششششيل وياااااي شبيك صافن افتح باب السياره صعدوه بالسياره بسرعه اني احس جسمي كله كام يرجف ركضت اول مخلوه صعدت من الباب الثاني صارت رجله يمي
وسام-السويج وين
سلام-بالكاع بالكاع شوفه
ومرت خالي رادت تصعد عاط بيهه وسام
صعدي بالصدر يمه بسررعه يمعوده سلام صعد بصفه گلي نزلي يمعوده هزيت راسي بـ لا وسحبت رجله عليه خليتهه بحضني هو فقد لا حس ولا نفس ومرت خالو تصرخ وتبجي ووسام ارتبك بحيث كل شويه يريد يدعم سياره
بقيت منبته ايدي على رجله خايفه كلش خاف يموت
سلام-حسام خويه تسمعني صيررر قوي ماعدنه غيرك بالدنيا
باوعت ايده متروسه دم
لزمتهه سحبتهه الايده وكدته وكمت ابجي حسام اموت والله مااتحمل ابد يارب يارب يارب مااتحمل والله بعد لتخلي يصير بي شي
وصلنه للمستشفى بسرعه نزلو سلام ووسام شايلي حتى البيبان مال سياره بقت مفتوحه ويصيحون دكتووووور بسرعه
ووووووين الدكتور واني وراهم حسيت جسمي برد كام يرجف من الخوف وايدي متروسه دم
دخلو للعمليات مباشرتاً شويه شويه انملت المستشفى جماعته وضباط عبالك مركز شرطه صار مو مستشفى مركز شرطه
دخلوو للعمليات واحنه منعرف عنه شي زين مو زين وضعه احو امل لو ماكو جان متروس دم اكثر من طلقه بجسمه ومرت خالي تصيح
ابني راح يروح مني ولكم يا عالم ابني اباوع عليهه وابجي وسلام شابكهه
سلام-گولي يا الله يمه كولي يا الله
اني واكفه بباب العمليات حافيه انتبهت النفسي وبتراكسودي برمودا وبدي ربع ردن وارجف وايدي من لزمت ايده انترست دم ويبس على ايدي واخاف اعوف باب العمليات ويطلع الدكتور
واكفه وادعي ....يارب يارب ماريد يصير بي شي يارب يارب لتفجعني بي احس الدني وكفت بهاي اللحظات
و رجعت الذاكرتي وگبال عيوني بهاي اللحظه لحظاتنه الي سوه
ووعوده الي ايام ماجنه سوه جنت اخاف عليه من الهوا جنت مستحيل اغفه اذا ما اني ويا على الخط واذا ميجاوبني حتى اذا بالواجب ازعل منه
بس. رغم كلشي حلو بيناتنا منجمعنا انصدمت بروحي هسه بعدني اخاف عليه احس النفس ضاق بيه
