الحب الحرام
بقلمي العبوديه
البارت ٣١
شهلاء-وضعي هسه زين لو احتاج جان اني رحت
هشام-ماشي حبيبتي يلله اني رايح للبيت لعد انتظرج هناك انطيني انور
شهلاء-انطيت الموبايل ال انور تجيت راسي على الجامه واتذكر من تلح عليه علمود تشوفني وجنت قاسيه وياهه نسيت كلشي سيء صار بس الذكريات الحلوه الجمعتنه
ودموعي تنزل بس بصمت
الحد ما وصلنه للبيت شفت سيارة ابو علي تروح معناهه وصل هشام دخلت للبيت ملگيته جوه اني هم گبل صعدت فتحت الباب لكيته بالغرفه توه ينزع سترته
هشام-توني اريد انزل حبيبتي
شهلاء-رحت عليه شمرت روحي بحضنه گبل حضني وكمت ابجي وهو يمسح على راسي ويصبرني بكلامه معافني ابد
بقه حاضني بيومهه ويطمني ميعوفني ابد لو شيصير
الحد ما غفيت فزيت الفجر واني نايمه على صدره بس تحركت فز
هشام-ها حبيبتي
شهلاء-اريد اروح للحمام
ثاني يوم خابر خالو اخذ رقمه مني وسأله عن العزاء وين راح يسووه كله راح نسوي ثواب ببيتنا ونوزعهه على روحهه
سمعته يتجادل ويا ويگله اذا علمود المصاريف اني اتكفل بس خالو گله مالهه داعي
حسيته زعل علمودي و حار شيگلي كلي اخر شي اسويلهه عزاء اني ببيتنا
شهلاء-لا حبيبي بس بجيت وكرهت خالو كره تمنيت بلحظتهه لو صدك الگه شي لازمه عليه هشام
بقت غصه بگلبي لان مسوالهه عزاء بيومهه هشام ذبح ذبيحه ووزعهه للفقره على روحهه وبثينه بنته كامت تسمعني كلام وبوجهي تگول اله يوم وينگلب السحر على الساحر
وحتى ابد معزتني بوفاتهه متت قهر ومن يطلع هشام اول ايام تشغل اغاني بعلو الصوت جانت بس تريدني احجي احسهه بس محجيت ولا عبرتهه
مر شهر ين على وفاتهه تأزمت نفسيتي حيل ميروح من بالي ابد منظرهه من طلعت روحهه وبنفس الوقت خايفه من الحمل ومن ردت فعل هشام وتعبت من الداير مداير الي يريدون هشام يطلكني
وتعلقي بي يزيد لان مدللني دلال كل بنيه تحلم بيه
جنت اخاف احد يكشف اني حامل اتخايلهم يخلوني اسقط الطفل واخاف من ردة فعل هشام كمت حتى مااتجرأ اطرح عليه موضوع الحمل خاف يشك بيه وهم يخليني اسقط الطفل
ساعات امنع روحي من الاكل حتى مااتقيء ومرات اريد اتقيء كوه اسيطر على روحي واروح للحمام وافتح الدوش على النجانه حتى تطلع اصوات ومحد يسمعني
بيومهه فزيت بوقتهه من النوم
بوقت متأخر متعوده من افز الكه نفسي نايمه على صدره لكيت مكانه خالي كمت طلعتلي شي مستور لان جنت لابسه شورت وفانيله لبست روب طويل وسديته طلعت رحت للحمام دميت الباب ماكو صوت فتحت الباب ماكو استغربت
ماكو هشام حسيت جسمي كله كام يرجف خليت ايدي على گلبي بس لا يا الله بس لا خفت حيل حسيت گلبي كام يوجعني خايفه انصدم
