الحب الحرام
زينب العبودي
ج٢/البارت 22
باوعت انور ....انصدمت جان جاي باتجاه البيت بس جان يباوع على المنطقه مدري على منو
شافني مشافني مااعرف گبل سديت الباب
عمر-جانت متجيه راسهه على صدري واني ابوس براسهه فجأه رفعت راسهه وصارت عينهه بعيني اباوع عليهه دموعهه تنزل واني ابتسم وعيوني حمر كوه لازم دمعتي جنت فرحان الدرجة متنوصف ممصدك هي كالت اسمي صارت عيني بعينهه ملكيت نفسي غير ابوس عيونهه
وهبطتني الدكتوره ليلى من صاحت عمر مااحس اله كبالي وتهمس ....انور ...انور بالباب
عمر-يا انور
ليلى-ابن هشام
ليلى-واني احجي اندكت الباب
عمر-لا بربج انوب انغام طالعه هسه يحجي لان اني يمهه
ليلى-ماريده يشوفني دكوم شبيك ختلني بمكان مالي خلكهم
باوع على المطبخ ركضت للمطبخ وطلعت منه بسرعه
وعمر وده شهلاء لفراشهه والباب يندك همسلي
عمر-دكتوره راح افتح الباب
ليش رجعتي
ليلى-عمر بربك المطبخ بس يدور وجهه يشوفني
عمر-دخلي للحمام وسوي روحج تسبحين على اساس انغام
رحت بسرعه دخلت للحمام وفتحت المي على النجانه
توترت حيل مااعرف شافني لو لا مو وكته ابد ...ابد
وكفت بصف الباب وملت جسمي وخليت اذني على الباب بلكت اسمع شي بس صوت المي صرعني
اجذب اذا اكول ممتوتره لان مااعرف هو شافني او لا ماعولت يفكون ياخه عني
اقل العشر دقايق اندك الباب عليه عضيت شفتي من التوتر
عمر-دكتوره فتحي الباب راح
فتحت الباب بسرعه
راح شنو هاي ....شبسرعه
اجه كال يريد يسافر واجه يشوف شهلاء قبل ليروح وانطاني فلوس انطيهن ال انغام علمود مصاريف شهلاء
ليلى-بابتسامة واستغراب باوعلي وابتسم عمر
عمر-ما ادري يجوز حلمان بس هو واحد يحجيهه لله دائماً يسأل عليهه
ليلى-ومحمد
عمر-يا محمد هذا اصلاً لا شايفه ولا اعرف لونه بس اعرف هو اكبرهم
ليلى-خو ما حس بيه موجوده
عمر-لا بس سألني اني ليش هنا كتله توني اجيت اريد اجيب علاج ال شهلاء وانغام بالحمام
ليلى-همه يعرفون انغام
عمر- يعني مو معرفه قويه
ليلى-يلله همزين عدت ولو سيارتي بره جان معدت كشفني
عمر-دكتوره
ليلى-باوعت عليه ابتسم وعيونه مغورگة
عمر-شكراً انتِ .......انت انسانه ماكو منج
مااعرف شلون اشكرج
اليوم
ليلى-نزلت دمعته وكمل
عمر-اليوم رجعتيلي جزء من روحي متتخيلين شكاعد احس بفضلج احس نفسي الاول مره اتنفس
متتخيلين من سمعت صوتهه تلفظ اسمي احس مدري شصار بيه حسيت جتني نسمة هوه والله
