صباحكم خير ورزق راحة بال يارب ♥️
غير مدقق بس خفت انام واكعد ماكو نت
لان راح يخلص الاشتراك
الحب الحرام
بقلمي العبوديه
البارت 22
شهلاء-باوعت عليه بخوف الحقيقه طبعاً
شهلاء-تتذكرين من حجينه اني وياج بالبدايه مو كتلج خسرت زوجتي بسبب النسوان لان احب الحلوات غلط هذا الشي واعرفه بس كتلج حتى تتجنبيني هواي وكتلج حتى البعمرج بس الله يشهد هنه الي يتقربن مني اني ممستغل وحده وطبعاً علمود الفلوس واني خاف يروح بالج بعيد كله بالحلال ابد ممسويهه بالحرام اتزوجهن فتره واطلكهن
اول مأجيتي اجذب اذا اگول مخليتج ببالي بس من بجيتي وحجيتي عن الاب وانتِ ضعيفه بدونه كبل صارت بثينه كبال عيني وكتلج بس انتِ مدنت روحي الج
هي دنت بس حاربتهه واعتبرتج مثل بنتي
ليش برأيج كتلج اني نسونجي
شهلاء-ليش
هشام -حتى تبعدين عني وتتجنبيني حتى من طردتج جنت علمودج
لتباوعيلي هيج وكتلج اي وكت تحتاجيني اني موجود مثل ابوج صح وانتِ شسويتي
شهلاء-شسويت اني
هشام-بقيتي تتجولين گبالي واني مااحب استغل وحده والي بكدج هنه يركضن ورايه علمود الفلوس
وهسه اني افكر بيج بكل وقت
شهلاء-باوعت بصدمه شيقصد
سيد هشام اني مو من ذني
هشام-اعرف لهذا السبب اني تعبان اريد حل ودورت حل وواحد هو علمودج تعرفين الشغل ماريد المحلج اثر
شهلاء-اعوف الشغل .....اني مو عفته بوقتهه
هشام-ياريت شهلاء اني علمودج اني شرحتلج وضعي اكثر من مره وتركيبتي روحي شهلاء الاحسن الج ماريد اظلمج او أأذيج وياي
شهلاء-فهمت سيد هشام تعودت اصلاً دائماً الي اتعلق بيهم يطردوني من حياتهم
درت وجهي وطلعت حسيت البوخه بوجهي بينت اني شسويت لو يعرف اني مشتركه بهذا الشي بس اني سبب الي تحسه يارب سامحني لان انسان مثله عنده مبادئ دخلت الشيطان بعقله
حسيته كبر بعيوني اكثر
صراحته واعترافه بحبه للنسوان صلافه بس كبر بعيوني
احسه شخصيه قويه ميخاف ابداً
طلعت من البيت جانت خاله سابقتني من الظهر رجعت للبيت وصلت للبيت من بعيد شفت سياره باوعت اعرفهه سيارة هذا الحقير حاتم تقربت على البيت جانت يا عيني تگله هسه تجي شهلاء تأخرت وكفت كبالهم
حاتم-اهلاً ست شهلاء اطلبج شكر واعتذار
شهلاء-على شنو الشكر والاعتذار
حاتم-على الي سويتي
شهلاء-اذا اريد اعتذر واشكر شكو ضربتك تعصب راد يتقدم عليه لزمته خاله
ام فريد- فدوه حاتم روح
حاتم-تعرفين اللحظه وحده قهرتيني بس بعد محجيتي
كرهتج بالزايد
شهلاء-لا عليك الله لتكرهني راح اموت
دخلت وعفتهم بره نزت حذائي وباوعت على نفسي بالمرايه ضعفانه هواي متت قهر ودخلت اول مدخلت خاله درت عليهه
