الحب الحرام
بقلمي العبوديه
البارت 23
ابتسم وكال شهلاء باوعلي بلا شقه
بينت على ملامحه الخوف ويبتسم بنفس الوقت
عمر-ههه شلون يعني شهلاء لتتشاقين وياي هيج شقه اعرف زعلتي مني بس مااحب هذا الشقه ثكيل وبعدين اني هم بعدني زعلان
شهلاء-جانت عيوني تصب بالدموع واباوع عليه سحب ايدي وعصرهه شويه
عمر- وروح امي تعبت بدونج انعل ابو الناس والي سويتي غلط بس اني هم صوجي شهلاء خلينه نغير روحنه ونرجع مثل قبل اني صار شهرين استلم راتب
لميت جم فلس راح أأجر بيت صغير بعيد عن هنا
عمر باجر عرسي
شهلاء- جان يحجي مستمر كتله وهو يسولف عمر باجر عرسي سحبت ايدي منه هو بقه يباوع عليه تقرب اكثر
عمر-شلون يعني شنو عرسج ليش هو شوكت خطبوج شهلاء الحد ما قبل لا التحق للواجب اشوفج واعرف اخبارج كتلج لتتشاقين هذا الشقه السخيف
شهلاء-قبل شويه عقدنه عقد سيد عمر
درت وجهي ردت ادخل سحبني حيل
عمر-شنووووو شنو تعالي يا عقد منو شهلاء بابا تعبان والله واجيت عليج كبل لتتشاقين هذا الشقه
شهلاء-مكاعد اتشاقه ونزلت عيني للكاع
عمر-هو شنوووووو الي متتشاقين
شهلاء-مااتشاقه عمر
عمر-تتشااااااااقين تتشاااااقين افتهمتي شنو عقد شنو تخبللتي انتِ لتحجين هيج بعد حتى بالشقه هذا الموضوع مابي شقه مااقبلج ابد
بقيت ساكته واباوع عليه بحزن مكسوره
عمر-منو الي جان يرش مي عليج
شهلاء-هزيت راسي بـ لا
عمر-منو لعد شهلاء احجي كولي جذب بروح اهلج كولي جذب
شهلاء-ابو ...
عاملني زين بالوكت الي كلكم عفتوني
بعدني جنت احجي دفعني على الحايط
عمر-بعتي رووووحج شهلاء بعتيني موووووو علمود الفلوس
شهلاء-خليت ايدي على جتفي لان تأذيت تقرب عليه على الحايط مو علمود الفلوس
عمر-جذذذابه والله جذابه كل هذا علمود الفلوس طماعه
شكد چلب اني شكد مطي حبيتج الله لا ينطيج شهلاء
جان يصرخ بوجهي عاط كوووولي كاعد اجذذذب احجي ولج شهلاء
شهلاء-تزوجته وباجر عرسي كبل كام يركع ايده بالحايط وبعدهه راسه اني جمدت بمكاني لان جان يصيح امداني اخر شي شفته هذا لبخ ويضرب راسه حيل خليت ايدي اسحبه واني ابجي
شهلاء-عمررررررر عليك الله لتسوي هيج دفع ايدي
عمر-لج اني طايح حظ حبيت وحده مثلج وحده حقيره وحده سافله وبلا ضمير لج ليش ليش خليتيني احبج هااااا جاوبي اذا انتِ طماعه ليش
شهلاء-كمت ابجي بصوت كل الكلام اختفه من اللساني من شفت ردت فعله وحركاته وعصبيته تفززني كل شويه عبالي يمد ايده عليه
عمر-والله محبيتيني ولا يوم بحياتج لو تحبيني جان صبرتي وانتظرتي وانتِ تعرفين راح ارجع والله تعرفين مااعوفج وتدرين بيه مااكدر بدونج جاوبي جاوبي ولج لتسكتين
