#الحب الحرام
بقلمي العبوديه
البارت ٣٦
طلعت راسي شويه ماكو صوت طلعت على كيفي ونزلت الدرج لكيت هشام متمدد على القنفه والباب مال بيت مفتوح بقيت واكفه اباوع عليه صافن على سكف الحايط
رحت باتجاهه وكعدت بالكاع ولزمت ايده
شهلاء-اسفه بسببي كل الي صار والله اسفه
جنت خايفه تعوفني ماعندي غيرك بهاي الدنيا
مجنت احبك بالبدايه بس جنت احس بالامان وياك
خفت خاف اخسر الامان الوحيد الي رزقنيا رب العالمين
عفت المانع وصار الي اريده وااله رزقني بدال الطفل منك اثنين جنت خايفه شلون اكلك
باليوم الي قبلت بي اسوي طفل ملكت الدنيا كلهه
وحمدت رب العالمين على النعمه الي رزقني بيهه وهي انت نعمتي
حبيتك اكثر واكثر كل يوم يمر وافتح عيوني بي الگه حبك زايد الكه روحي من المحضوظات بس لو جنت اعرف هذا الشي راح يخسرك ولدك وروح اهلي جان معفت المانع ولا صرت انانيه
رفع ايده ورجع خصلات شعري الي على وجهي وخلاهن وره اذني بست ايده ....ابتسم
هشام- اني ممقهور منج مقهور من ولدي انور يداعيني بحقوق امه الي سنين اتوسل بيهه علمود ترجع ومتقبل ترجع ماانكر اذيتهه وياي بعلاقاتي جنت شاب وفلوس شكد مااريد احصل اناني بس وياهم جنت اختلف بىابد مقصرت جنت علمودهم من تكتشف امهم اكعد ايام بالبيت احارب نفسي حتى اعوف هاي السوالف جنت احاول اغير بس من فقدت الثقه بيه كامت متصدك حتى من اعوف سوالف النسوان
تلح هواي اعرف بسببي بس جنت اگول يوووو عايف ومضحي ونفس الشي وارجع الطريقي
واعترفلج بشي هم جنت ضامن تبقه اكول مثل كل مره
تتعصب وتگلب الدنيا وترجعلي
شهلاء_باوع عليه ولزم ايدي وكال
هشام-كومي من الكاع مو زين هيج تكعدين
بقه بيومهه متكأب ميحجي ولا حرف وحبس روحه بغرفة المكتب واني احس بتأنيب الضمير
كل شويه يدك موبايله وينطي رفض الحد ما اخر شي غلقه مقبل يتعشى بيومهه وصعد نام اخر شي
اني هم نمت بصفه وسكتت بدون مااحجي.
ثاني يوم طلع للشغل ووصاني اقفل البوب الداخليه وااطلع بالحديقه نهائي لان اكو حازس بالباب ومو القديم مغيري لذلك وصاني مااطلع نمت بعد ما قفلت البوب جوه بالصاله على القنفه
كعدت جسمي متكسر وتعاجزت اجيب شحاطه او نعال من الفوك وجان كبالي النعال الاسفنج لبسته ورحت للمطبخ سويت جاي وعزلت الثلاجه وطلعت شكو مواعين بيهه بيهن اكل وغسلتهن كلت بين ما يتهدر الجاي
عطشت مي جنت اشرب كبال البراد والكلاص بيدي فجأه دخل من الباب انور شهكت ووكع الكلاص من ايدي اخترعت اني مقفله البوب
انور-ابويه هنا
شهلاء- اني مقفله البوب
انور-بيت ابويه هذا اتوووقع
شهلاء-طبعاً طبعاً بس تفاجئت
انور-عندي مفتاح اريد احجي وياج
