كلش كلش اعتذر منكم اليوم والبارحه عندي ظروف صعبه مكدرت اكمل البارت اتمنى تعذروني شي خارج ارادتي ❤️❤️ ونهائي ممتدقق
الحب الحرام
ج٢البارت ١٣
ليلى-الوو
عمر-دكتوره والله مكاعد اگدر انام گليلي تراجعتي عن علاج شهلاء لو لا احجي الصدك
ليلى-عمر شهلاء برأيك اذا عالجتهه مراح تنتحر بعدين
عمر-تراجعتي عرفت والله تراجعتي ليش دكتوره انطيتيني أمل وبعدهه تخليتي تعرفين دكتوره اذا معالجتيهه شسوي
ليلى-شتسوي عمر
عمر-اروح اموتهه واموت روحي وراهه بعد مااتحمل والله
مااتحمل اشوفهه هيج راح اموت راح امووووت تعرفين شنو راح اموت اني مكاعد اكدر اعيش حياتي طبيعيه
ليلى-اخذت نفس ليش لان تحس بتأنيب الضمير
عمر-لااااا لان احبهه لان هي حياتي وهي كلشي بالنسبه الي
ليلى-لعد ليش تخليت عنهه من البدايه
عمر-لان حمار لان مجنت اعرف هي النفس الي اتنفسه
لان مجنت اعرف سعادتي مرتبطه بيهه هي وبس
لان حيوان وسمعت صوت كرامتي مو صوت گلبي
ليلى-قصدك سمعت السلمان اقصد سلوم
عمر-كتلج سمعت الكرامتي والكلشي كتلج حيوان مطي عار كلشي اتوسل بيج هسه كليلي عسى ما ابيع روحي وهي ترجع مثل اول كليلي شسوي وتعالجيهه لتتخلين عنهه دكتوره انتِ مو كلتي مره ماكو شي بعيد عن رب العالمين والحق يرجع شلون يرجع
اذا اني سافل وتخليت عنهه وسمعت للناس ومسمعتلهه والله طلعهه بيه وكاعد اتعذب من اشوفهه هيج
هشام ابوهه مدري شلاعب بكم عرض من الناس وعاقبه
ماجد السافل وهم الله ديعاقبه ببته وهسه مريض
هي شنو شهلاء ممسويه شي بحياتهه غير بس مراهقه وسمعت الخالتهه وخالهه وين العداله تبقه هيج
حتى الله من فوك ميقبلهه اذا الله يقبلهه اكول ماكو الله بالوجود
ليلى-استغفر عمر شنو هذا الكلام
عمر-دكتوررره كاعد اموت تعرفين شنو اموت عالجيهه عليج الله عالجيهه عوفج مني شوفيهه هيه باوعيلهه بنيه صغيره الي بگدهه عايشات حياتهن وهي مخبله دكتوره
ليلى-كافي عمرر اهدأ
عمر-مااهدأ مااريد گليلي هسه تعالجيهه لو لا
ليلى-ابتسمت وعيوني دمعت
ميخالف عمر
عمر-كولي والله
ليلى-والله بس انطيني فرصه احل كم شغله
عمر-اهم شي متتخلين عنهه صبرت هواي اصبر حلفي مااعرف بشنو احلفج منو العزيز عليج بس احلفج بالله لان انتِ مبينه تخافين الله حلفي بي متتخلين عنهه
ليلى-احلف يالهي يلله تره نعسانه اني
عمر-فدوه اروحلج دكتوره انتِ ورده والله
ليلى-ههههه اوف منك يا عمر
