اعتذر حبايب عن التأخير بس جانت عندي حالة وفاة واحتراماً لأيام العزاء وقفته النشر
الحب الحرام
بقلمي العبوديه
البارت ٢١
وكفت
گبال النبگه واباوع على باب بيته
واحجي ويا بس بداخلي اعاتبه
بسببك انت الي راح يصير بيه مااعرف وين راح تاخذني الدنيا بس انت السبب كم مره توسلت بيك
كم مره توسلت يا عمر حتى ذليت روحي الك ومفكرت بكرامتي وياك
اعرف غلطت بس حبك الي جان جذب لان لو تحبني تحبني على كلشي الحب ميعرف اغلاط الحب تضحيه وانت ضحيت بيه مضحيت بالعادات
هاي هيه شسويلك بعد اليوم اخر يوم الي اوكف گبال هاي النبگه مصدگت حبي الك
هاي النبگه تشهد شكد احبك هي شاهد شكد بجيت هنا هي تشهد شكد اشتاقيت الك وهي هم تشهد جنت ابجي على حبنا جواهه
وكفت كبالهه وكمت بالسجينه عل جذع احفر شهلاء ورسمت گلب عمر
تعبتني حيل السجينه كوه صارت حتى دخلت ظفري سلايه انفتحت الباب واني احفر بحرف الراء گبل رحت للجهه الثانيه ماريد يشوفني بعد
ردت اروح بسرعه بس رجعت اترقبه هاي اخر نظرة يا عمر
مسحت دمعتي ورحت واني بالطريق امشي قررت هذا هو الهنا وبس الحب الي مابي تسامح ميتسمه حب
بس تذكر يا عمر عفتني باكثر وكت محتاجتك بي
رجعت للبيت كتبت بورقه ال عمر رساله بس ضميتهه ماانطيهه اله كتبتله الي حسيته واني جنت امشي كتبتله عن الشجرة الي اوكف اترقبه بيهه وضميت الورقه
ورحت تمددت كلت مااروح اليوم محتاجه ارتاح مابيه حيل اشتغل الظهريه جنت مسويه بسكت وجاي واباوع تلفزيون صار هواي ممسويه هذا الشي جنت غركانه بالحزن ومالي خلك كلت خل ارجع الحياتي الطبيعيه شويه شويه دك موبايلي
باوعت سيد هشام
جاوبته
هشام-شنو اخبارج سألت امج اليوم عن وضعج گالت تعبانه بعدج
شهلاء-يعني الحمدلله
هشام- راح ادزلج ابو علي ياخذج
شهلاء-لا ..لا والله ميحتاج اصلاً هسه كاعد اكل بسكت وجاي
هشام-هااا خوش والله واني بالي يمج
شهلاء-بالك يمي ليش يعني بقه ساكت
هشام-يعني يكولون الي ينكسر يكسر الشر الي بالبيت فجأه البيت مابي شي ينكسر اكيد اقلق الشر معناهه بعده ببيتي
شهلاء-شتقصد تقصد اني اكسر
هشام-نعم قابل مجذب اني
شهلاء-والله هواي تحفيات بيتك مجنت منتبهتلهن
هشام-اي متشوفيني ساكت من تكسرين
شهلاء-يعني متحبهن
هشام-لا بس اني امل بسرعه من الشي المهم اذا تحتاجين دكتور گولي انت مثل بثينه بنتي
شهلاء-ان شاء الله شكراً
شويه واجتي خاله جانت تخاف تحجي وياي اليومين الراحن بأي شي تتجنبني لان اگب بوجهه بس من شافتني طبيعيهه گالت سيد هشام اليوم سأل عليج
