الحب الحرام
بقلمي العبوديه
البارت ٣٩
باوعت عليه وهي تحجي ابتسمت وكتلهه
ليلى-تلوگله ماشاء الله حلوه وواصله ان شاء الله يصير الي تريديه ودرت على مرت عمي
عمه شنو نقدم هسه
ام ادم- عصير موجود
ليلى-يلله لعد راح اروح اجهزه كمت وعمه كامت ورايه اول موصلت للمطبخ كالت
ام ادم-تحسيهه متقصده تسمعج
ليلى-على شنو تتقصد مااتوقع ...وين العصير
ام ادم-بالثلاجه
ليلى-جبت الصينيه وخليت العصير بيهه وعمه تساعدني
ام ادم-صراحه مااحب مرت خالج احسهه هي من البدايه سبب بفراگج انتِ وحسام
ليلى-حسام صعب محد اله علاقه بصعوبته وجانت افضل خطوه النه كل واحد يعيش حياته
ام ادم-بس هو معاش حياته وكل ميشوفج كلنه نشوف عيونه شلون تباوعلج بس انتِ غبيه ولج متلكين بالدنيا كلهه مثله
ليلى-عمه مو وكت هالسوالف والله عليج سوالف
شنو بس عصير
ام ادم-اصلاً زايد هسه نقدم هو ويه الكيك مفروض
ليلى-الدنيا حاره يحتاج يبردون كلوبهم اخذت الصينيه و قدمتلهم...... شويه وشغلو اغاني وبدن البنات يركصن سحبني كتلهم لا
فجر-دركصي شبيج
ليلى-مو مودي ......جبرني اكوم اركص وياهن وكلهه تصيحلهن مو هسه بعد العقد بس هنه ميسمعن ومرت عمي لحت وياهن
ام ادم-ولجن مو هسه
لارين-غير فرحانين
ليلى- بلشت وياهم اركص حسيت العيون عليه
وكل مااريد اكعد يجرني البنات الحد ما باوعت حسام واكف بالباب صارت عيني بعينه كال
حسام-طفو الاغاني السيد اجه خل يعقدلهم وركصوا شكد متريدون واصواتكم نصوهن
ليلى-يحجي ويباوع عليه الي يشوفه يكول اني مسويه الهوسه .....شويه وصاحو سمر دخلوهم بغرفة عمو دخلت وياهه لان جانت مرتبكه وكف بصفي حسام وكال
حسام-جنسيتهه جيبيهه
ليلى-ماشي رحت ال ماما انطتني الجنسيه ورجعت دخلت للغرفه اباوع على يمر ايدهه ترجف ومغطيه وجهه والسيد يعقدلهم الحد ما كلهه هل تقبلين بـ وسام زوجاً لكِ
باوعت على حسام يباوع عليه ابد منزل عينه نزلت عيني ورجعت خليتهه بعينه وهم يباوعلي حسيت يحجي بعيونه
حسام-شوكت يا ليلى نگعد اني وياج هاي الكعده
ليىلى-مستحيل نگعدهه اني وياك يا حسام ابداً
حسام-شوكت تگولين نعم قبلت الزواج بك
ليلى-اتمنى بس منرهم بعد
جنه بعيونه نسولف هم اتمنى بس مترهم ابد لو شيصير سديت هذا الباب وانتَ هم مسدود بابك لان ماارهملك بعد
خلص السيد عقدهم وصارت هلاهل واني وهو عين بعين منزلت عيونا ابد
الحد ما طلعت سمر واني رحت وراهه بدت الحفله وكل الولد طلعو بقه بس وسام تحول للهول يم سمر وشغلوا الاغاني وامي وعمه يقدمون للموجودين كيك وعصير بمناسبة عقد وسام وسمر
