الحب الحرام
بقلمي العبوديه
البارت19
عقد حواجبه وغلق عيونه شويه شلون يعني
شهلاء-شفت ترسمني اني احب رسمك اعرف مو من حقي وخصوصيتك سيد هشام واتذكر مره من المرات طردتني بسبب الموضوع هذا ووعدتك ماعيدهه بس
مبحوشت بغراضك بس دفتر الرسم مگدرت اسكت فضولي احب اشوف رسماتك
كلش حلوات ترسمهن حبيت الرسم بسبب رسوماتك جنت اشوف شترسم جديد يوميه اركض على دفترك
الحد ما شفتني بدفترك راسمني
وبعدهه كل يوم كمت اشوف رسمة الي شكل واسأل نفسي بداخلي ليش يرسمني صدك ليش ترسمني انت
هشام-انتِ هالمره مطروده وبعد ماريد اشوف رجلج تعتب باب بيتي ومن هاي اللحظه وحده مثلج مااكدر أأمن اخليهه ببيتي مادام مانعج تمدين ايدج على شغله تخصني وتمديهه ماأمن الوجودج ببيتي بعد
شهلاء-ليش لان اعترفتلك اشوف الرسم تره هو رسم
هشام-شهلاء روحي طلعي بره
شهلاء-تعودت دائماً من احس بروحي ترتاح وتحس بالامان يطلعلي شي يخليني اعيش الخوف من جديد
سيد هشام مسويت شي اني
هشام-حركات الي مثلج اعرفهن
شهلاء-سيد هشام يا حركات هاي الي اسويهن اني
هشام-حركات النسوان معروفه ....تعرفين شنو اكثر شي اكرهه بالحياة
احد يلزم شي يخصني اي شييي يخصني مااحب احد يتطفل عليه وانتِ تجاوزتي الحدود اكثر من مره جنت عبالي بنيه صغيره عاملتج مثل بثينه بس انتِ تعديتي كل الحدود شهلاء ماريد اشوفج بعد ببيتي تطلعين هسه مو بعدين
عافني وراح بقيت اباوع عليه حتى خطواته بالمشي بينت عليهه التوتر رحت للمطبخ دخلت لكيت خاله وافعه دشداشتهه وتمسح كلت ال خاله اوكفي خاله وهي مدنگه كالتلي
ام فريد- عبري بس رجلج مسحيهن بالوصله
شهلاء-طردني سيد هشام عافت الوصله ورفعت روحهه المستوايه
ام فريد-هااااااااا عزه بعيونج اي والله شصخمتي هالمره
شهلاء-دخلت للمطبخ ونزعت االربطه الي جنت معصبه روحي بيهه بمللل ونكتت ملابسي وهي تسأل ماااجاوبهه لحكتني دارتني عليهه
ام فريد-عاب هالخلقه وبلا متحجين شصخمتي ولج متجاوبين
شهلاء-انطررردت كتلج انطردت خاله فدوه من تشوفيني هيج عوفيني
ام فريد-ووجعه بگلبج كون شسويتي
شهلاء-طردني علمو د الصخان وطلعت بسرعه رادت تلحكني بس سبقتهه مالي خلك احجي تعبانه ومقهوره بس سمعتهه تدردم عليه
شهلاء-منطيني مجال وتجاوزت حدودي شنو نگسته للرسم لو شنو كلهم نفس الشي كلهم والله ليش يا الله خلقتني هم بدون صخام فلوس وهم بدون اب وام كلشي اخذت مني ليش اني شمسووويه شمعنا اني شمعنا
اني مااصلي حتى بعد حتى صلاة مااصلي والله كلشي أزمه بحياتي كلشي مشاكل تعبت ليش اني ملطشه للكل علمود دفتره مال شخابيط شخاااابيط والله
اروح اشككه وارتاح
جنت احجي بداخلي واتعارك حتى ملامحي يبين عليهه الحديه والامفعال كانما احجي بصوت
جنت اعصاب نار مشتعله بگلبي امشي بلا وعي
