الحب الحرام
بقلمي العبوديه
البارت 18
وكفت مصدومه اترقب الي صار بيه مفكرت بهاللحظه اذا مات شيصير بيه كل همي هو تعبت من الذل والسيطرة علينه
عبالي راح يوكع راح صخام يصير بي شي شو هذا دار عليه كلشي مابيه اني جنت بين الصدمه وبين المرتبكه مااعرف شسوي شمرت الحديده وركضت
طلعت من البيت بدون ما التفت واحس گلبي كام يوجعني الحد ما رحت للشارع اركض مثل المخبله
يمكن الي يباوعولي بالمنطقه اخذو فكره عني مخبله وام مشاكل ويوميه مصيبه
بحيث محد وكفني وسألني شبيج ليش هيج تركضين واني اركض سمعت صوت سليمه تصيحني وكفت درت وجهي ماكو سليمه طلع يتهيئلي وكفت ادور بكل اتجاه واحس الدنيا تدور بيه غمضت عيني ودمعتي نزلت
هنا السؤال وجعبي گلبي وين اروح والمن انطي وجهي
باوعت من بعيد سياره تكسي رحت بسرعه مشيت حتى الحك بيهه واني امشي اتذكر كلام سيد هشام ماعندي غيره صعدت بالسياره انطيته العنوان واني كاعده اللوب واطكطك اصابع ايدي ومن اتذكر تنزل دمعتي وامسحهه بسرعه
الحد ما وصلت مجنت ماخذه فلوس نزلت وكتله بس لحظه انتظر همزين من كاعد اطلع الموبايل لكيت فلوس بجيب ملابسي رجعت رأساً انطيته الكروه
دكيت الباب فتحه الحارس وكال شهلاء شجابج بهذا الوقت
شهلاء-سيد هشام موجود
-اي موجود بس يمكن نايم
-شهلاء -دخلت بسرعه فتحت الباب ورحت الغرفة المكتب ماكو رجعت صعدت فوك الغرفته دكيت الباب ماكو صوت الحد ما فتحتهه جانت الغرفة ظلمه كبل فتحت الگلوبات
سيد هشام سيدددد هشام
هو فز وكبل كعد على حيله يحاول يستوعب
شهلاء-اسفه والله اسفه بس مضطره اني سويت شغله وخايفه هسه وماعندي احد غيرك جنت حايره وتذكرت انت كتلي شتحتاجين گليلي واحتاجيتك
هشام-بس اهدئي واحجي على كيف
شهلاء-اني شهدأ مااعرف ضربته جان يضرب بخالتي
باوعت عليه كتله امي اقصد ماما امي ضربهه
هشام-منو ضربهه
شهلاء-بقيت صافنه بوجهه الحد ما حسيت نفسي كاعد اطبب روحي بشغلات اكبر مسحت وجهي بتوتر بيدي وكعدت على الجربايه
اني تعبت من حياتي هواي
هشام-اهدئي شهلاء وفهميني
شهلاء-باوعت عليه ونزلت دمعتي گلبي يوجعني جنت مرتاحه شو فجأه كلشي تغير والله جنت مرتاحه
هسه تعبانه حيل
هشام-دوختيني وياج شهلاء كلشي مفتهمت منج
شهلاء-كام من الجربايه وراح سد الباب مال غرفه ورجع كعد بصفي
هشام-شهلاء شنو قصتج مااعرف بس كلامج ممفهوم
ولا كاعد افهم مشكلتج شنو ساعه امي ساعه خالتي انتِ من شنو تعانين
