البارت7
الحب الحرام
بقلمي العبوديه
جمدت بمكاني كبل اجه ببالي عمر
گبل اخذني التفكير هو صار بي شي بحيث ركضت بلا وعي مدري بلحظه صرت كبال سلوم والناس ملتهيه تكله كول يالله واني اكلهم عمر وين عمر مات مووو يمه عمر الحد ما جرتني سليمه
سليمه-امه يمعوده مو عمر دتعالي
شهلاء-هف الحمدلله الحمدلله ياربي واخذت نفس الحمدلله والله عبالي عمر
سدت حلكي سليمه وجرتني
سليمه يمعوده سكتي
شهلاء-يمه كلبي راح والله عبالي عمر
سليمه-وتكولين بوسطهم الناس حزنانه وامهم من اكلج امه تكولين الحمدلله ووجعه امه ماتت الولد
شهلاء-دتعالي لزمي گلبي الحد الان يدك سريع يمه عبالي عمر
سليمه-تره عمتي الماتت هم
شهلاء-شخبصتيني عمتج مره جبيره اني انخضيت على عمر بس اوف خطيه شموتهه
سليمه-الله اخذ عمرهه غير
شهلاء-هيج بلا سبب
سليمه-لا قللت ادب ووجعه شبيج غير الاعمار بيد الله
شهلاء-لا يعني اقصد ماتت لان تمرضت لو هيج
سليمه-لا هي فاتت سبحت وبالحمام وكعت وماتت
شهلاء-ياااااا خطيه والله ولج شو متبجين لعد
سليمه-شمدريني شو عيوني نشفت بعدني ممصدكه وانوب انتي طيرتيهه للبجيه بهاي عملتج
شهلاء-ابجي ولج عيب هاي مرت عمج تعتبر عمتج
باعي سلوم خطيه والله شلون يبجي
سليمه-غير امه
شهلاء-جريت ايدهه وكتلهه تعالي خل نواسيهم خطيه بت عمج صوتهه طالع مال صريخ ولو مااحب بت عمج لان عينهه من عمر بس اليوم ميخالف اواسيهه
دخلنه اني وسليمه جوه عافتني وراحت شبكت بت عمهه وكامت تبجي اني هم نزلت دمعتي
من شفت بتهه قهرتني حيل رجعت بليل منهم لكيت سياره طابكه بالباب غريبه مو سيارة خالي
دخلت سمعت صوت خاله تحجي وصوتهه مبين تبجي
ام فريد -اي كافي كافي تعبت
-انتي شعبالج منً تسوين هيج تحصلين شي بس تضرين روحج
ام فريد -كااافي حاتم سنين واني متحمله تعبت
حاتم-اذبحج واشرب من دمج والله والله ومن اتصل واكووووول تعالي تجين وانتِ الممنونه تعرفيني اني الي يندك بيه شيصيرررررله ومن ادخله بعقلي شسويله تعرفين لو متعرررفين انتِ اكثر وحده تعرفيني ماارحم
وهااااا حاف عبالج او الج نيه تتحررين
متتحررين مني اله من يخلص المتفقين عليه صيري شاطره وفكري بعقل
فتحت عيني صوت رجال وخاله تروحله ويهددهه صخام الصخمج شهلاء خليت ايدي على كلبي شديصير ياربي يوميه كاعد انصدم بشي لا لا مااصدك خاله هيج معقوله واني واكفه انفتحت الباب صار بوجهي شهكت ورجعت شويه
شعره كله ابيض عيونه صغار بس مجروره عسلي ومايلات للصفار لونهن بشرته حنطيه لحيته ابيض ومختلطه بأسود ولبسه شبابي ومرتب ومبين طاك خله عينه بعيني جمدت بمكاني هو تفحصني من فوك الجوه بصمت وعافني بدون ميحجي ولا حرف لحكته اني
