Jiang Jiu [ဘာသာပြန်] {Completed}

3

Translator: dounai
Editor: mantou
မြန်မာဘာသာပြန်: Nancy

Unicode

ကျန့်စစ်တွင် သေကြောင်းကြံစည်ချင်သည့် အတွေးများရှိနေသည်။

သုံးနှစ်ကြာတွဲခဲ့တဲ့ရည်းစားက တရားမဝင်ရန်ပုံငွေရှာသည့်လှုပ်ရှားမှုတွင်ပါဝင်ပတ်သတ်ခဲ့ပြီး သူရဲ့ပိုက်ဆံအားလုံးကိုယူကာ ထွက်ပြေးသွားခဲ့သည်။ သူ့ရည်းစားထံ မတရားခံခဲ့ရသူများမှာ ကျန့်စစ်ဆီလာရှာကြပြီး သူလည်းတစ်ဝက်တာဝန်ယူပေးသင့်သည်ဟုဆိုကာ ပိုက်ဆံပြန်ဆပ်ရန် တောင်းကြသည်။ ဘွဲ့ရခါစအလုပ်သင်တစ်ယောက်အနေနှင့် ကျောင်းမှချေးငွေကိုတောင်မဆပ်ရသေးပဲ သူ့တို့အား ပြန်ပေးရမည့်ပိုက်ဆံအားလုံးကို သူဘယ်ကသွားရှာရမည်နည်း။

အကြမ်းဖက်မှု ၊ ခြိမ်းခြောက်အကျပ်ကိုင်မှုများစွာ ကြုံတွေခဲ့ရပြီး ထိခိုက်ဒဏ်ရာများပင်ရခဲ့သည့်နောက်တွင် ကျန့်စစ်သည် ဘယ်အရာမှ ဒီ့ထက်ပိုမဆိုးနိုင်တော့ဟုတွေးခဲ့၏။ ဘဏ်မှ သူ့မိဘနှစ်ပါးသူ့အတွက်ချန်ထားသည့်အိမ်ကို သိမ်းယူလိုက်တဲ့အခါမှာတော့ သူ အလွန်အမင်းမတရားခံရကြောင်းကို သဘောပေါက်သွားတော့သည်။ သူ့ရည်းစားဟောင်းက သူ့အိမ်ကိုပင်အပေါင်ထားသွားခဲ့ပြီး သူကတော့ စာရွက်စာတမ်းတွေမှာ လက်မှတ်ထိုးတုန်းကတောင်အလိမ်ခံရတာကို မသိခဲ့သေး။

ကျန့်စစ် သူ့ကိုယ်၌ရဲ့ တုံးအမှုများအပေါ် စိတ်ပျက်ပြိုလဲသွား၏။

နောက်တစ်ရက် သူရဲ့အလုပ်သင်ကုမ္ပဏီသို့ ပုံမှန်အတိုင်း အလုပ်သွားခဲ့သည်။

"ပိုင်ရှန်း"ရဲ့ ​အောက်ဆုံးထပ်တွင် ရပ်နေလျှင် ဇက်ကြောလွဲအောင် ခေါင်းကိုမော့မှသာ ဒီကြီးမားလှတဲ့ အဆောက်အဦးရဲ့ထိပ်ဆုံးကိုမြင်တွေ့နိုင်မည်။ မြို့တော်Z တစ်ခုလုံးတွင် တတိယအမြင့်ဆုံး အဆောက်အဦးဖြစ်ပြီး ဒီအပေါ်ဆုံးကနေ ခုန်ချလျှင် သေချာပေါက် မရှုမလှသေလိမ့်မည်ဟု ကျန့်စစ်တွေးလိုက်၏။

မနက်ခင်းတွင် HR မန်နေဂျာက သူ့ကိုခေါ်ပြီး တိုင်တန်းသည့်ဖုန်းခေါ်ဆိုမှုအများအပြားရရှိခဲ့ကြောင်း ပြောပြခဲ့သည်။ ထို့အပြင် လုံခြုံရေးမှလည်း လာရောက်သောင်းကျန်းသည့် လူတွေကို တားခဲ့ရ​သေးသည်။ မေးခွန်းအနည်းငယ်မေးပြီးနောက် ထိုလူများမှာ ကျန့်စစ်ဆီလာကြသည်ကို သိခဲ့ရသည်။ ကုမ္ပဏီနှင့် အခြားသော ဝန်ထမ်းများရဲ့ပုံရိပ်ကို မထိခိုက်စေရန်အတွက်...