Jiang Jiu [ဘာသာပြန်] {Completed}

8

Translator: dounai
Editor: mantou

Unicode

ကျန့်စစ်က တာဝန်ကျေပွန်စွာပဲ ဇာတ်ညွှန်းထဲကအတိုင်းသူပြောရမည့်စာ​သားများကို ရွတ်ပြလိုက်သည်။

အဖေကျိုးက သူပြောတာကိုနားထောင်ပြီး တော်တော်လေးစိတ်လှုပ်ရှားသွားကာ "ကောင်းတယ် ၊ ကောင်းတယ်။ အဲ့ဒါကို ဖူးစာလို့ခေါ်တယ်။ ပြန်တွေးကြည့်ရင် ရှောင်ပိုင့်အမေနဲ့ငါလည်း ကံတရားကတွေ့ပေးခဲ့တာ။ သူ့အမေက ငါ့ဆိုင်မှာစက်ဘီးလာပြင်ရင်း..."

အဖေကျိုးက စက်ဘီးပြင်ခြင်းအမှုမှစ၍ ကျိုးပိုင်မွေးသည်အထိ သူ့ဇာတ်လမ်းကို ပြန်လည်ဖောက်သည်ချ​လိုက်၏။ ကျိုးပိုင်ကမနေနိုင်တော့ပဲ ချောင်းအသာဟန့်ကာ "အဖေ!"

"အိုးး အိုး.. ငါဒီနေ့ ရှောင်စစ်ကိုတွေ့ဖို့လာတာဆိုတော့ အရင်ကအကြောင်းတွေဆက်မပြောတော့ပါဘူး" အဖေကျိုးက ဆက်မေးလိုက်၏ "ရှောင်စစ်က ဒီနှစ်ဆို အသက်ဘယ်လောက်ရှိပြီလဲ?"

ကျန့်စစ်ကဖြေလိုက်၏ "ဒီနှစ်ထဲဆို ကျွန်တော် ..."

အ​ဖေကျိုးက လက်ကိုဝှေ့ယမ်းကာတားလိုက်ပြီး "အာ မင်းကိုမေးတာမဟုတ်ဘူး ၊ ရှောင်ပိုင့်ကို သေချာသိမသိစစ်နေတာ"

ကျန့်စစ်ရဲ့နှလုံးသားလေး ကမောက်ကမဖြစ်သွား၏။

အား မဖြစ်ဘူးးး... သူတို့ပူးပေါင်းလိမ်လည်ဖို့ပြင်ထားတာက ကျိုးပိုင်နဲ့ပတ်သတ်တဲ့မေးခွန်းတွေပဲလေ ၊ ပြီးတော့ သူဆို ရက်နည်းနည်းကြာအောင်ပြင်ဆင်ထားခဲ့ရတာ။ ကျိုးပိုင်က သူနဲ့ပတ်သတ်ပြီး ဘာမှသိမှာမဟုတ်ဘူး။ နောက်ပြီး ဒီရက်ပိုင်းမှာ ကျိုးပိုင်ကအလုပ်များနေလို့ သူတို့နှစ်ကြိမ်ပဲတွေ့ခဲ့ကြတာ။ တစ်ရက်က သူအလွတ်ကျက်ရအောင် စာရွက်စာတမ်းလေးစုံပေးဖို့နဲ့ ကျန်တစ်ရက်က သူကျက်ထားတာတွေတိုးတက်မှုရှိမရှိစစ်ဖို့လေ။ ကျိုးပိုင်က သူနဲ့လက်ထပ်မယ့် ဒီလက်တွဲဖော်ကို သိပ်ပြီးစိတ်ဝင်စားတာမှမဟုတ်တာ။

မတတ်နိုင်ပေမယ့် ဒီဘိုးတော်က အရမ်းအကင်းပါးလွန်းတယ်။ ဒီတစ်ကြိမ်တော့ သူတို့ဟန်ဆောင်ထားတာတွေပေါ်ကုန်တော့မှာပဲ။ ကပ်သီးကပ်ဖဲ့မေးခွန်းတွေမမေးပါစေနဲ့လို့ပဲ ကျန့်စစ်ဆုတောင်းမိတယ်။ ဒါမှကျိုးပိုင်မှားဖြေရင်လည်း သူ့ဘက်ကဖုံးပေးလို့ရမှာလေ။