Jiang Jiu [ဘာသာပြန်] {Completed}

30

Unicode

Translator: dounai
Editor: mantou

ကျန့်စစ်မှာ အဘယ့်ကြောင့်ကျိုးပိုင်တစ်ယောက် "ဘဝနဲ့ချီ၍အရေးကြီးသည့်ကိစ္စရပ်များ" နှင့်စပ်လျဥ်းပြီး ဆွေးနွေးတိုင်ပင်ရန် သင့်တင့်လျှောက်ပတ်သည့်အခြေအနေအချိန်အခါမျိုးကို ဘယ်‌သောအခါမှမရှာကြောင်းကို လုံးဝနားမလည်နိုင်‌ချေ။

အရင်နေ့ကအဖြစ်အပျက်လိုမျိုး ကျန့်စစ်အဆင်ပြေမပြေမမေးသည့်အပြင် ကံဆိုးသည့်ကိစ္စများကြုံမကြုံကိုပင် မေးလိုက်သေးသည်... သူက ကျန့်စစ် ရုတ်တရက်ကြီးထသေသွားမည်ကို စိုးရိမ်နေသလား?

လောလောဆယ် ထိုအကြောင်းတွေကိုထားလိုက်ပါဦး။

မင်္ဂလာပွဲကျင်းပရန်… မင်္ဂလာပွဲ… သူ အမှန်တကယ်ကို သူ့ရဲ့ပထမဆုံးမင်္ဂလာအခမ်းအနားအတွက် ပေးရမည့်ငွေအစား လက်ဖွဲ့ငွေများစွာရရှိလိမ့်မည်ဖြစ်ပြီး ကျန့်မိသားစုနှင့်ကျိုးမိသားစုမှ ဖိတ်ကြားသည့်ဧည့်သည်များမှာလည်း မနည်းလှချေ။ သူအနည်းငယ်စိတ်လှုပ်ရှားကာ ဘာလုပ်ရမည်မသိဖြစ်‌ခဲ့သည်။

ဤသည်မှာ သူ့အတွက်ပထမဆုံးလက်ထပ်ခြင်းဖြစ်ပြီး ကျိုးပိုင်အတွက်တော့ သုံး‌ခါမြောက်ပင်။

ကျန့်စစ်က အတွေးထဲစိတ်သက်သာရာရခဲ့သည် — အတွေ့အကြုံရင့်ကျက်သူကဦးဆောင်သည့်အတွက် စိတ်ချလက်ချဖြစ်ခဲ့သည်။

ကျိုးပိုင်က မင်္ဂလာပွဲနှင့်အားလပ်ရက်အတွက် သူ့အချိန်ကိုဖဲ့ပေးမပေးမသေချာချေ၊ သို့ပေမဲ့ ထိုသူသည် ဒီနှစ်လအတွင်းအလုပ်အလွန်များနေပြီး မကြာခဏ ခရီးရှည်များလည်းထွက်ရသည်။ ကျန့်စစ်သူ့ကို ရံဖန်ရံခါမတွေ့ရသလို တွေ့ပြန်လျှင်လည်း သူတို့ စကားအခွန်းနှစ်ဆယ်ထက်ပို၍မပြောဖြစ်ကြပေ။

သူတို့ တစ်နယ်စီခြားသောချစ်သူများလို များသောအားဖြင့် ဖုန်းဖြင့်သာအဆက်အသွယ်လုပ်ခဲ့ကြပြီး သူတို့စကားဝိုင်းတွင် "ချစ်စကားကြိုက်စကား" ဆိုသည်မှာ စိုးစဉ်းမျှမရှိခဲ့။ အပြန်အလှန်ပြောသည့်စကားများမှာ ရေနွေးကြိုသကဲ့သို့ ရိုးစင်းလှသည်။