كحل العيون

البارت{15}

البــــــــــارت الخامس عشر 💕💕

انا بحضرت جمالك ازهد العشاك...
احسك لغز شنهو انته وشنو اوصافك.....
ولا غيرك نبع بشوك يرويني...

توصيني؟ اعلى ياذمه توصيني...
وحياتي انته ونبض يسري بشرايني...

احضني اني ضلوعي مشتاكه لاديك ...
وابقى حاضني وابد لتعوفني....

((لــِ عريان السيد خلف..))
~~~~~~~~~~~~~~~~~~~~~~~~~~~~~
بقلم:اختكم الصغيره استبرق الكردي 👸🏻💕
~~~~~~~~~~~~~~~~~~~~~~~~~~~~~
كعدت الصبح ولكيته بعده نايم وهاي اول مره اكعد قبله ضليت اباوع
بوجه
وشواربه
وشعره المخربط
ورسمت شفايفه
وجمال بشرته الي بيها نمش خفيف
وحواجبه الثخان
وخشمه
هلانسان هوه صدك هيج حلو لو لان اني احبه هيج اشوفه حلو...
تقربت عليه وطبعت بوسه بخده حسيت ملامحه تغيرت بسرعه سويت روحي نايمه ......

ايسر بصوت ناصي  :حته وانتي جذابه حلوه عود ليش...

ضليت صامده عود نايمه... ماحس اله وايسر يبوسني من خدي حيللل وشوراربه ولحيته دجج بسرعه كعدت....

ايسر : ههههههههه ديله كومي حضريلي ريوك...

ايفان:شنو بتليت بيك بلوه..

ايسر:هسه طلعت بلوه مو

ايفان:واحله بلوه..

ايسر:ربييييييييييي شسويت عندك حته هيج تنطيني...

ايفان :هههههههههه ديله حانزل اسويلك ريوك...

عفته وطلعت واني شفت الصاله وشلت هم شينضفه الي كلت الله كريم ورحت غسلت ولميت شعري لبست حجابي ونزلت لكيتهم كلهم كاعدين سلمت عليهم خاله سالتني..

ام ايمن:هاا يمه شلونه ايسر شلون صار

ايفان: لا تشيلين هم خالتي ستقر وضعه الحمد لله

ايمن:والله اصيله جبناج فصليه بس جازيتنه بلاحسان الله يستر عليج بويه...

ايفان : فدوه لكلبك خويه ابو سعد ولا والله لو شما اسوي ماجازيكم صرتولي اهل ومحسستوني اني فصليه...
ابتسم وندار يسولف ويه جدو  كاعد يحجون على الكعده راح تصير على اساس اليوم العصر بس ايسر اتوقع كال اني لا الي ولا عليه بيهم يعني مراح يدخل بهلسالفه خنشوف وين راح توصل كملت ريوك الي وسويت للبنات وللولد وياي وجدوو وبيبي وخاله متريكن شويه ونزل ايسر بلملابس العسكرية دخل للصاله سلم على جدو وكعد...

ايفان:هاا عيني تفضل هذا ريوك..

باوعلي وابتسم