البــــــــــارت السابع 💕💕
توادعنه ونسيت بوجهك عيوني
شثكل هجرك سمه وطاحت على متوني
اختكم الصغير استبرق الكردي 👸🏻 💕
~~~~~~~~~~~~~~~~~~~~~~~~
ايسر:سمعيني زين هذي الفصليه اريدج صيرين حذره منها ومو كلشي تكعدين سولفيله واريد شنو تصرف تجين تكوليلي لا تثقين باي احد اريد اذا جرت النفس تكليلي جرت نفس خوش .....
هناء:ياخويه شسالفه اصلا البنيه كلش حبابه ومبينه طيبه
أيسر:ماكو احد طيب انتي طيبه يامه ناس اشوفهم ملائكه بس همه شياطين لتثقين حته بضلج لان بليل يعوفج خوش.....
هناء:يااا خويه سويته عليه محاضره وترا اني مو طفله حته ماعرف الشين من الزين لا خويه اعرف كلشي ومحد كدي
ايسر:ديلا كلج شبر ونص ......
هناء:عزاااا اني شبر ونص الصلاً اني جمال كله
ايسر:ديلا روحي فوتي جوه ...
هناء:انشاءالله...
دخلت هناء جوه واني بديت اغسل لموعين وافكر بكلامه .....هم صدك شلون راح يثق بيه اني هنا شلون راح اكدر اعيش اوف ياربي الك بيها أراده......
خلصت المواعين ورتبة المطبخ ومسحت الكونتر ومسحت الكاع .. هناء اني كتله روحي هيه مقبلت بس اصريت عليها المهم خلصت وصعدت كله نايمه طبعهم ينامون ضهر هيج مبين... دخلت للغرفه مشغل السبلت بارده ودك بس تنام واني كلش تعبانه ومحتاجه انام فانجطلت ع بطني ومادريت بدنيا بعد كعدت تقريبا الساعه 5 عريس الغفله ماكو كمت غسلت وعدلت حجابي وردت انزل بعدني مواصله الدرج واسمع هوسه بحكم البيت جبير وغرفت ايسر نهاية البيت هناك ميوصل صوت بس قبل لا اوصل درج صوت اسمعه المهم.... نزلت بعدني منازله درج وسمعت عريس الغفله يحجي
ايسر:والله يعمي ان جان اخت ابوي تكلي تلفي كح** شتريدني اسكت مو انه اسكت عن الحك... كلكم هنااا محد مضرر بكده البنيه طلعت من بيت ابوه فصليه تخيل وحده من بناتك تطلع هيج هاااا لو على اذيه الناس نرضه بس اذيت نفسنه مانرضه هااااا
عمته(ام صباح):يبن زهره هيه هليله الوحده الي جتك بيهااا الفصليه وهييج حاليتك ....
ايسر:يخت ابوي احنه من ياوكت نسمه بسم امهاتنه..
عمه:خويه ام صباح مو حلوه منج هاي..
ايسر:وثانيا هاي كدامكم الفصليه مادام اسمت بسمي الي يسمه يمسني ولي يقلل منه يقلل مني لان يهلناس ويعمامي مدام كدام الله وخلقه هيه على ذمتي اذن انه مسؤال عنه وانه من البدايه كتلكم لاتورطوني كتولي اله انته وانه معاجبكم والي مايعجبه حجي اي حايط يعجبه يدك راسه بي مع احترامي لعمامي......
أنت تقرأ
كحل العيون
Romanceمابين الفرح والحزن ،مابين الامل والصبر ،مابين الدموع والبسمه ،ومابين الحب والغرام ... #بالامل نحيى ونرى الحياة ... #الصبر مفتاح الفرج ... هل بعد كل مايحصل مع بطلتنه تتمسك بلامل وتصبر على ماجرى وسيجري ... قصتي الجديده لعنوان (#كحل_العيون)... انرتم ع...
