كحل العيون

البارت{19}

((#كحل_العيون))

البــــــــــارت التاسع عشر 💕💕

تعشگ تنجرح يصعب عليك النوم...!
        تدمع تختنگ حتى الهوى اتعوفه ..!

كلهه تهون بس هيه المصيبه اشلون..!
             بشر تشتاگله وماتگدر‎ اتشوفه.
~~~~~~~~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~~~~~~~~
مرت الايام ولمياء اجه زوجه عليها واخذه... ونفس لوضع ماكو لا شي جديد ولا شي قديم نكعد يتريك ايسر يطلع للدوام تنضيف وشغل وماكو اي شي جديد

وكل مافكر بذاك الموضوع يسري خوف بجسمي وماعرف شون اصرف وطول الفتره هناء تقنع وحته ماما سولفتله وشجعتني بس اني اخاف وابويه كل يوم اتصل بي ومن انهي اتصالي اضل ابجي

وايسر يمسح دموعي ويبوس عيوني بهاي الحركه مو بس يخليني ازيد حبي اله لا يزيد عشقي اله وبهاي الفتره ايسر صار بنسبه الي الهوه الي اشمه

ولاحضت بده صبره يقل بس اني مادري المهم كلت الله يحلها

ودخلنه بسنه هجريه جديده وبيها  استشهاد سيد شباب اهل الجنه الامام الحسين سيد الشهداء عليه السلام واخيه العباس عليه السلام ..... 

وبدت السنه الدراسيه الجديده وهناء داومت مرحله ثانيه وفاطمه صديقتي اجت للبصره بس ماشفته وزينه داومت هناك بحافضتنه علوم فايلوجي وايمان داومت السنه خامس علمي والي عرفته بنت ايمن عمره 14سنه وتدرس ثاني متوسط

لاحضت عليها كلش انعزاليه وابد متكعد ويه احد ولا اله اي علاقه باي احد.....

وخاله ام ايسر وضعه تعبان وضغطه دومه يخربط بيها طبع تكعد تكابل التلفزيون والاخبار والوضع مال الموصل والانبار  ومن تشوف الناس هيج وهيه مرتاحه تصير تبجي تكول انه مرتاحه وكلشي مابيه وهيج اكو ناس

وهيه عدها صديقته من اهل بغداد بس متزوجه بلرمادي وعلى اساس يردون يطلعون من الرمادي يتهجرون لان يكولون الوضع كلش مازين  حصار واكل ماكو ياكلون خبز يابس والمي كاطعي عليهم  وعذاب والي يخالف اوامر الدواعش يكتلوا ووضعهم كلش مو زين  بس خايفين يطلعون...

وعلى اساس ايسر وجماعته يساعدوهم بس سيطرات الدواعش متفرعه وكثيره وتكول ماكدروا وراح يرجعون وعلى كولت زوجه لو بلهدف لو بنجف

بس الي عرفته على اخر تخطيط انو اكوو واحد داعشي من اهل الانبار انضم للدواعش  راح يساعدهم  لان الهم فضل عليه بس هذا الي فهمته وايسر دايخ

يكول لو جذاب ويروح يسلمهم  لو هوه خاين للدواعش وهذا واحد من إبطال العراق يطلع وحده من الاثنين  وطبعا ايهاب ومهيمن دوروا بيت الهم لان هما عائله جبيره مشاء الله عليهم كالت خاله فوك 27 نفر  ولحد هسه كلشي مدانعرف
الي مابيوم ......