كحل العيون

البارت {40}

((#كحل_العيون))

البــــــــــارت الاربعون 💕💕

انه وياك .....
غيمه وگاع....
لا موعد يلمنه....
ولا يطشنه وداع....

((عقيل العرد))

~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~

ضليت صافنه واباوع على الموبايل بله هذا يشاقه لو يحجي صدك نوب اتصل عليه ميرد ....

لشويه وكلت انزل اشوف شبي هذا اشوو حتى موبايله يمه عليمن صعدني واني كوه اصعد وكوه انزل ...

بهلاثناء وندك باب غرفتي رحت فتحته لكيت جود ابن سعد باوعلي وضحك كال :-هاا عمه ..وهوه يباوع بلغرفه

-هلا عمه شبيك

-تعي اشاورج ..

-دنكت عليه وحط حلكه يم اذني ويحجي بصوت ناصي عبالك اكو احد وايده فوك حلكه وكال :-عمه يكول عمووو لا تنزلين لان مو زين على ابن عموو

حجها وابتعد وهوه يضحك ويباوع منا ومنا ابتسمت وكتله :-عمك وداك

-اي عموو وداني

-زين موبايل عمك وين.

-يم عمو جان يخابر بي ...

عرفت سوه هيج حتى ماكعد يمهم وولد عمه موجودين

راح كعد على القنفه وكال :-عمه

-ها عمه

-هسه هاي بطنج شبيها هم بيها ولد مثل امي وطلعو مسلم اخوي

ابتسمت ورحت كعدت يمه :-اي يصير عندك بعد اخوو

-هم اخووو

-ليش

-ماريد اخوو اريد اخت

-جا ومريم

هز يده :-مريم اصلا ماتحبني

-ليش متحبك اكوو واحد ميحب اخوو زين اكلك انته تحب مريم ..

-لااااا ماحبها هيه مو ماتحبني اني ماحبها

-اخخخخ ليش هيه شعدها غيرك حته متحبك انته اخوها وحبيبها وتاج راسها لازم تحبها

-جااا غير هيه ماتحبني

-لا حبيبي ماكو اخت متحب اخوها واذا هيه متحبك انته حبها ومن تروح ويه بابا للسوك لو من تروح لابو الاسواق اشتريلها بربع انته شكد يوميتك

-ابوي يطيني الف احط خمسميه بدخل مالتي وخمسميه اشتري بيها بربع اشتري كيكه وبربع اشتري عصير ودورات احط بلدخل سبع ميه وخمسين واشتري بربع كيكه وعصير ابو ثنين بربع لو جبس هيج بس ثنين بربع ....

اباوعله فدوه شلون يحجي ولسانه يخبل نوب سالته :-زين ليش تضم فلوسك شتسوي بيها

-اريد اشتري سياره مثل سيارة عمو ايهاب