كحل العيون

البارت {51} ( الأخير)

((#كحل_العيون))

البــــــــــارت الواحد والخمسون 💕💕

انت سواد عيونك يعت بروحي عت..
وانه بطرك كلبي وبقه من كلبي بَت..
ارجوك خلي مسافه بينا...
مو شبر اكثر لا نطيح اثنينا...

((لــِخضير هادي))

~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~

مر كم يوم واتصل عليه ايسر رديت عليه بلهفه..

فتحت الخط اجاني صوته التعبان :-الووو سلام عليكم

ابتسمت :وعليكم السلام،، هلاو حبيبي شلونك

تنهد وكال :-ءااااااه يادفووو صوتج..مشتاكلج بكد رحمة الله..

-واني هم مشتاقتلك هوايه

-ءاخخخخ لوو يمي والمج بين ضلوعي واطفي النارر البكلبي

-اسم الله على كلبك حبيبي،، هسه شلون صرت

-الحمد لله احسن وجروحي طابت اذا الله سهل الخميس احنه بلبصره

-يالله كلشش مشتاقه اشوفك والله،، زين جروحك طابت

-انشاء الله بس نحتاج بعد علاج فيزيائي بلعراق نسوي

-يعمري جاا اني راح احضر نفسي حتى اروح للبصره..

-ايفان هسه انتي بياا شهر، شلونج، رحتي لدكتوره، حملج شلون خاف تعبانه..

-هوه ماتعبني غير بعدك عنيي ايسررر داختنك احس حبل ويلتف على ركبتي مشتاقتلك..

-ءاااااه ولج انه المشتاكلج، مشتاك لكل شبر بيج، مشتاك العطرج، لطراوة روحج،لانفاسج، لكلامج، لضحكتج،،ءااااااخخخ مشتاك احطج بروحي ومابعدج عني مشتاك لعيونج لمثل عيون الغزال..

ابتسمت :-وانييي هم هوايه مشتاقتلك..

-افتحي كامره خلاكحل عيوني بشوفة العافيه..

بسرعه فتحت شعري ورجعته لوره وترتبته.. ثبتت المبايل كبالي حتى اطلع كلي
وفتحت كامره وهوه هم فتح اباوعله شلون عدل كعدته ويباوعلي مبتسم

وكال :-ءاااااخخخ ولج ليش تعلين حالي بشعراتج لميهن ولج لميهن.

-ههههههههه

لميت شعري واباوعله صافن يباوعلي وهوه ساكت وكال :-عساا ربي مايبعد الضحكه عنج يبعد هلي.. تدرين نتحمس اشوف بناتي شلونهن..

-ايسرر كلشش اذوني والله تعبت حتى بليل ماكدر انام بسببهن هواي يتحركن

-بنات ابوهن حركات بعد كلبي

ضلينا نسولف واحجيله عن حملي وهوه يسولفلي على وضعهم وجروحه

شويه وكتله :-ايسر

تنهد وكال :-ياحلاوة اسمي على شفافج، كولي يبعد ايسر واهله

ابتسمت وكتله :-راح اكول لزيد او لعمي يرجعني للبصره هلايام حتى قبل لا تجي اني هناك