البــــــــــارت العشرون 💕💕
يــ الغايبين ...
بلچي نتلاگه إبمحطه ياسمين ...
بـ المحبه والدموع امعطرين ....
الليله مثل البارحه گبالي صوركم ...
الليله كاتلني الحنين ......
((عبد الكريم القصاب))
~~~~~~~~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~~~~~~~~
كان هذا الخبر بنسبه النه صدمه من حجه ايسر كلنه ضلينه صافنين عائله كامله اكثر من 26 نفر راحوو بلحضه وحده هبائاً منثورا صرنه نبجي من كل كلوبنه على خاله تكول عده 5ولد وكلهم معرسين وعدهم جهال وزوجه وابو زوجه وعياله وتسولف وتدك على رجله شويه واجت خاله ام حيدر وهم تبجي على صديقته واحنه العين هماله ونبجي على بجي خاله.....
ام ايمن :ولج خيه يام حسام خيه يام وكفات الحلوه يام ضحكه الحلوه
وتدك على رجليه وخاله ام حيدر مكابلته ويبجن ضاهر علاقتهن كلش قويه واحنه متنه بواجي على بجي خاله ومنعرف نسكت خاله ونواسيه لو نسكت رواحنه خاله هواي تسولف عنه ومن سوالفه كلش حبينها والموت صعب مو لنه شي سهل من ينجاب طاري لموت كله تحس نفسه تختنك ومانتمنه الموت حته الاعدائنه وشلون همه عائله كامله هيج راحوو بلحضه وحده انا لله وانا اليه راجعون الله يرحمهم ويغفر لهم .....اجه ايسر وايهاب حضن خاله وباس راسه...
ايسر :يمه فدوه اروحلج شجاج هاي انتي عود المؤمنه هيج تصرفين جاا شخليتي للكلشي ماكوو وهاي انتي ويانه سمعتي كال همه او غيرهم ماندري ولا نعرف اي شي عنهم
ام ايمن :ولك يمه هاي خيتي وصديقت عمري ولك هاكدنه واحنه سوه كبرنه وعرسنه وماتفاركنه ....
ايفان :خاله ادعي من رب العالمين يطلعون مو همه وهمه عايشين ياخالتي كلشي جائز بس خاله ماعدها احد خارج الرمادي ساكن بنتها ابنها اقاربه اي احد...
ام ايمن :اي هوه بس حسام ابنها اخذ عائلته وطلع من الرمادي لبغداد قبل لا يحتلون الرمادي كلها وكاللهم اطلعو وياي بس محد قبل
ايسر :اي خوش حجي نخابره ونسال اذا يعرف شي عنهم
ام أيمن :بس يمه ماعندي رقم غير رقم ام حسام
ايسر : زين هيه عدها فيس
-اي عده
-انطيني نقالج بلكي نكدر نلكاه بالاصدقاء لو شو وين
والله صدك اخذ نقال خاله ودخل على حساب ام حسام ودور بالاصدقاء بهذاك الوقت جانت الناس هستوه طشت على الفيس وهاي السوالف فميعرفون يخفون الأصدقاء وهذا الشي من صالحنه..... دور ايسر بالاصدقاء واني حاطه راسي بصفه حته اشوف وكل شويه ويبعد راسي بلاخير عاط بيه :شبيج ولج هوه هيج خوب دخلي راسج بنقال بعد هاج اخذي انتي دوري....
اخذت الموبايل من ايده هوه ضل صافن وهز ايده راد ياخذه كتله معليك اني اطلعه ضل بس يباوع يريد يشوف وين اوصل .... المهم والله دورت ودخلت بلبحث مال أصدقاء ام حسام.. كتبت بس حسام بسرعه طلعلي كومه حسام وكل واحد شكل ضاهر ام حسام هواي عده اصدقاء اصابيعي راحت واني ادور سالت خاله ....
أنت تقرأ
كحل العيون
Romanceمابين الفرح والحزن ،مابين الامل والصبر ،مابين الدموع والبسمه ،ومابين الحب والغرام ... #بالامل نحيى ونرى الحياة ... #الصبر مفتاح الفرج ... هل بعد كل مايحصل مع بطلتنه تتمسك بلامل وتصبر على ماجرى وسيجري ... قصتي الجديده لعنوان (#كحل_العيون)... انرتم ع...
