كحل العيون

البارت {48}

((#كحل_العيون))

البــــــــــارت الثامن والاربعون 💕💕

وتمر بية طوايف شوگ
‏وأتذكر ضحكتك وأنسى كل حزني

(( عـبـد الحسـيـن))
~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~
صاحو اسمي ودخلت لدكتوره وهم نفس القوانه الي بكل مره تكولها الي كالتهااا 

وسابتني يمته اخر مره سويت سونار وهسه اني بياا شهر كتلها :-والله دكتوره مادري حالياً اني بياا شهر بس على الاغلب نهاية الخامس واخرر مره سويت سونارر هناا عندج ..

هزت راسها وكلتلي تمددي على السديه حتى تسويلي سونارر ...

تمددت واجت سوتلي سونارر وابتسمت وكالت :-تدرين بنفسج بيج توم

ابتسمت وهزيت راسي بمعنى (اي)

ضحكت وكالت:- وشنوو تريدين يكونون..

:-شنوو يجي من الله هلا بي

-ونعم بالله بس هاي كدامي داشوف ثنين حمامات صغيرونات ..

ابتسمت وباوعت لخاله ابتسمت وكامت تقربت الي ..

ايفان:-يعني بيه بنات ؟؟؟؟

-اي حبيبتي هذولي ثنين بنات وضعهم مستقرر  ونبضهم كلش تمام ...بس ينرادلج راحه وتديرين بالج على نفسج ..

-انشاء الله دكتوره

خاله يس تضحك وتصلي على النبي مبينه فرحانه ..

نوب سالتني الدكتوره :-تريدن صوره للسونار؟؟

بسرعه جاوبتها:-اي اي ..

ابتسمت وهزت راسها وطلعت الصوره وانطتها لخالتي  ورجعت لمكانها ..

اني لميت نفسي وعدلت ملابسي وكمت ...

كتبتلي علاج واني عيني على الصوره واريد بس اكوم واراويهاا لايسرر هوه يريد بنات وهاي الله انطاه بنات ...

كلش كلش فرحانه احس هاي الدنيااا ماواسعتني من الفرحه ..

طلعنه من الدكتوره وصوره السونار بايدي وخاله مبتسمه وتوصي بيه ..

من شافنه ايسر بسرعه كام..

رحنه يمه وهوه يباوع بوجوهناا ومبتسم على ابتسامتنه  ...

مديت ايدي وانطيته الصوره مال السونار جانت بضرف..

عكد حواجبه بمعنى :شنوو

ابتسمت خاله :-بلمرارك وليدي صار عندك عصفورتين من الجنه...

فتح عيونه على وسعهن وضحك وباوعلي..

هزيت راسي وكتله :-بيه بنات اسر واسينات...

اباوعله باوعلي بنظرات غريبه مليانه حب، وفاء، امان وحنيه وكال :-ااااااااه محمود مشكور ربي جاي تغركني بنعمك...