كحل العيون

البارت {35}

((#كحل_العيون))

البــــــــــارت الخامس والثلاثون💕💕

شقَّت لها الشمس ثوبًا من مَحَاسِنِها ....
فالوجه للشَّمسِ و العينان للريمِ .....

~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~

بعد للعيد يومين وبدينه بتنضيف العيد والشغل واكيد مننسه تحضيرات العزايم اول يوم العيد ...

وكل شغله نسويها اذكر اهلي وابويه شلون جان يوكف ويانه ونغسل كلحنه البيت سوه ونلعب بلمي جنه ننتضر ايام العيد بس حتى انضف ونلعب بلمي ويه بابا ...

خلصنه كل شغلنه اول شي نضفنه الطابق الفوك والبيتونه ورتبنه الغراض ونضفنها ...

وغسلنه السطح بشكل عام كملنه الطابق الثاني كوله ماخلينه بي شي اني وهناء ورناا ومريم جريتها ووكفتها ويانه ...

بصراحه الاختلاط والاجتماع يبعدنه عن الحزن والدموع وينسينه شنو كنه البارحه فلاحضة نفسيتي كلش تغيرت بين البيت والشغل
ومسلم
وهناء
وخاله
والعائله
واكيد ايسر

ولاحضتهم كلهم حتى بيبي ام سعد يحاولون يضحكوني ويغيرون مودي واول ماجيت من اهلي وشفت جدو جر راسي وباسه وكال :-ايفان بنيتنه وام احفادنه ومعزتها بينه جبيرره بويه لاتحسين روحج غريبه والله يصبركم على بلواكم بس يبنيتي الدنيا بيها الحلوه وبيها المره هاي الله سبحنى وتعالى اخذ شي ورزقكم بشي ثاني وهيه ذريتكم يبويه انتي غاليه مثلج مثل هنوه وعزيزه عليه ولو شفتي ايسر مكصر وياج تعاي ليجاي وكليلي جدي هيج وهيج ايسر وشوفي شلون اخذلج حكج من عيونه حتى لو هوه وليدي ....

رغم كانت كلمات بسيطه بس اخذت مساحه كبيره بكلبي وحبيتها حيل ومن صدك حسيت روحي بلانتماء الهم ...

هاي العائله لو شنو ماكول ومااحجي قليل بحقهم لان صارولي اهل وحتضنوني باصعب اوقات حياتي حتى رنااا هيه طيبه بس بسبب اختها ولان تريد ايسر جانت بس الي فهمته انو خاطبيها بغير محافضه اتوقع كالو بلعماره وبعدهم مرادين الهم خبر ..

وعرفت من ايسر انو عمه خليل هوه وولده جايين بلفاتحه ...

كملنه كل تنضيف البيت ونجمعت ويه البنات تنضيف وهنه غصب عني خلني اضحك واندمج وياهن ... وهنه يسولفن على مود عرس مريم بنت خاله ام حيدر خطيه البنات اجن سلمن عليه وكالن اعذرينه راح نزوج وخاف عيب منج كتلهن :-شسالفه يمعودات هيه هاي الدنيا مثل ماجدو كال بيها الحلوه وبيها المره ..

فراح يرحن البنات وتجي لمياء اول يوم العيد هم

عجنت خاله عجينة الكليجه والتمينه كلنه سوه برغم اني ماريد اكعد لان حتى العيد اني ماعيد ياعيد الينحسب عيد وتاج راسي جوه تراب ...