كحل العيون

البارت{32}

البــــــــــارت الثاني والثلاثون 💕💕

وي غيري ادري انته رحت
بس كلي بيه شعايف
جا ليش نتلاكه بدرب خايف تلاكه بخايف

((مرتجى سعدون))

~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~

اباوعله ودموعي وحدها تنزل مهيمن جان كلمشافنه مجتمعين وكال :-اااااه يمته اجيب مريتي واكعدها وياكم ..

جان من يجيب طاريها تكون حجايته كلها لهفه وحنينه كلش نقهرت ...

ردت اروح احاجي بس كلت لا اعوفه براحته خليرتاح كل انسان بهيج وقت يحتاج يكعد ويه نفسه ويصفي حساباته .....

قفلت الباب وصعدت لكيت ايسر نايم على بطنه ..

اني رحت لبست دشداشه قصيره لان مارتاح وفتحت شعري ورحت مددت يمه هستوني حطيت راسي اريد انام شو هذا شيل راسك وخلي على بطني كال :-هاااا ولك كو×× اعذرني ماخذت امك لدكتوره بس لانخاف باجر اخذكم ..

ابتسمت وحطيت ايدي على شعره والعب بي :-عبالي نايم ...

-هوه نايم بس ايفان راسي احسه راح ينفجر .

-ليش

-مادري بس اكيد من الشقيقه ..

-ايسر روح لطبيب خليشوفك

-الله كريم يله حبي صبحين على خير .

-وانته من اهله ..

نمنه وكعدنه لصبح مثل كليوم ايسر طلع لدوامه واحنه بين الطبخ والبيت وحجزنه عد الدكتوره على اساس العصر نروح ...

وخاله شايله هم مهيمن وتدعي الله يبرد كلبه لان هوه بنهار يطلع يروح للبستان وبليل ميطلع من غرفتة حجر نفسه كلش حتى للمعمل ميروح وخاله كل متشوفه تكله :-يمه لا تضوج يبعد امك هيه الخسرانه انه اروح واخطبلك اغاتها يوليدي ...

بس هوه جوابه :اطلع كلب ابن كلب اذا اباوع بوجه مره كلهن خاينات ...

خاله بلعتها وسكتت لان مانشوف غير الكره بعيونه كلش ...

للعصر بدلت ورحنى اني وايسر وخاله للدكتوره ...

دخلنه للدكتوره اني وخاله وايسر ضل منتضرنه بره ...

سلمت خاله على الدكتوره لان تعرفها وتجيب البنات الها وهيه نفسها دكتورة رنا واسماء...

سولفتلها على الي كالته الي دكتوره الي اخذتني الها امي كالت تمددي على السديه خل اسويلج سونار ..

تمددت وسوتلي سونار سوت نفس الشي الي سوته ذيج الدكتوره هم عكدت حواجبها وضغطت على مكان بطني ..

نزعت الكفوك من ايدها وكعدت بمكانها واني لميت نفسي وكمت كعدت يم خاله كالت :-هم تحسين بمغزات والم ببطنج ...