كحل العيون

البارت {29}

((#كحل_العيون))

البــــــــــارت التاسع والعشرون 💕 💕

–يا بخت العيون الي بحسن وجهك تهنت!

~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~~
كعدت على حركت ايسر وهوه يعض خدودي بسنونه حيل ويضوجني ....

دوم انبها واكوله بطل هاي لشغله ماحبها بس هوه يكلي :-ماكدر ولج خدودج من اشوفهن ماسيطر ومارتاح اذا ماعضهم....

بعدت خده ورجع دفعته وكعدت :-والله يايسر اذا تسوي هيج متلوم غير نفسك عوفنييييييي اريددد انام نعسانه والله نعسانه شنو انته منعسان !!!! عوفنييييي خلنامممممممم ...

ضحك وكال :-هاهيه حبيبي كلشي ولا تتعبين نوم الهنى نامي ..

رجعت راسي على المخده وويه محطيت راسي غفيت ...

شويه ورجع ايسر يعض بخدودي ويكرص بخصري موتني ...

دفرت الغطه برجلي وجريت ايده بعصبيه من يم زنده ونبتتتتت سنوني بي وعضيته حيل نوب كام يضرب على ضهري ويصيح واني فلا وخرت اباوعله وهوه يخوزر بيه ويضحك ويصيح :-ولج اخخخخخخ ايفان هاهيه بعد معليه بيج بس عوفيني اااخخخ نذله ....

دفعته ورفعت اصبعي بوجه :-والله يايسر اذا كعدتني هسه ارجعك للبصره مشي وكول ايفان كالت ....باوعتله بعيون بريئه ...فدوه امانه لاتكعدني والله نعسانه ..

-ولي انطمري حشاااا مو بنيه مجلوبه ...لا تباعيلي هيج حقيره فوك ماتعضيني بس باعي سنونج شلون ...

-شني حلال عليك وحرام عليه لا حبيبي انته تعضني وتريدني اسكتلك مو من شيمي ...حباب خل انام والله نعسانه ..

جرني من ايدي حيل :-نامي حبيبي بس لاتنامين غير على كلبي ....

-ايسر عوفني اريد انام جريت الغطه فوك راسي وويه ماريد اغفه جرني بحضنه :-ترا والله ميصير هيج ماطلعت طمره مو موتتني شبيك....

باس راسي :-بيه انتي ولج مشتاقلج شبيج عوبه ...

بسرعه رخت اعصابي وبتسمت رفعت راسي وباوعتله يضحك ضحكت كرص خدي وجرني بحضنه باس خدي حيل ونمت على صدره لو على كلبه احلى ....

كعدت جسمي مكسر تكسر وايسر نايم على وجه خطيه حبيبي تعبان بس والله ضوجني بسته بخده ...ونداريت اشوف فوني متيهته من البارحه مادريه عنه هوه البارحه شدريت اني عبالك فلم هندي سووها ركض ركض حتى ماحضرت ركصات حته اركص واتونس كله سوالف هنيوه العوبه .....

باوعت نقال ايسر على الكومدي جريته باوعت للساعه بسرعه طفرت الساعه ب5...عااااااا ...

-ايسرررررر ....ايسرررر ..شو اكعد

-هااااا

-بس باع الساعه ب5 العصر ....

عدل كعدته ومط جسمه :-هههههه تدرين من كعدتج من النوم جانت ب2ونص ...