((#كحل_العيون))
البــــــــــارت السابع والعشرون 💕 💕
تدري العشك وياك....
ماكو احلى منه...
عاشك واموت عليك...
واليحجي فنه....
بلسان((ايسر))
~~~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~~~~
باس راسي حيل :وانتي بالف خير ياحله ورده ببستان عمري ... شلون تذكرتي هيج يوم اني ناسي ومااذكره
ابتسمت وجريت ايده بست راحة ايده :معليك بهلموضوع سر المهنه
جريته على الطبله شلون مرتبتها والكيكه وهوه يضحك خطيه نوب كال :بس ابدل واجي
-ماكو داعي هيج تخبل
-لا حبيبي تعبان و عركان مو مال هيج
-جا خوش هوه راح يسبح ويبدل طلع لابس تراك سود لونه نيلي كلش حلو وهوه جسمه حلو كلش حلو وشخصيه بحيث من واحد يشوفه ينعجب بي كلش حلو وماعنده كرش...
اجاني وهوه يمشط شعره ومبتسم وكف يمي واني انطيته السجينة وكص الكيكه ووكلني منها ولمني بحضنه وبعدني عنه ولزم وجهي بايده وهوه مبتسم وباس عيوني :تدرين بحياتي كلها مارتاحيت ولا شفت الراحه بكد ما اول ماحبتج ايفان هم يجي يوم وتعوفيني؟؟؟؟
بسرعه لزمت وجه بايدي واني مبتسمه :شنو هذا السؤال ايسر احنه فرحانين بميلادك وانته هيج تكول بس حجاوبك على سؤالك.... اكو بشر يترك روحه وابو جهاله؟؟؟!!
باس راسي حيل ورجعني
الحضنه : آآآآآآه شكد احبـــــــــــــــــــــج
-واني بعد
ابتعدت عنه واني اضحك وكتله :- صار وقت الهديه والسبب الرئيس بهل حفل
عكد حواجبه :بعد كل هذا اكو هديه.... رحمتك الهي دتغركنه بنعمك...
ابتسمت ورحت جبت العلبه الي هنوه سوتها كلش مرتبه اخذه مني وهوه يضحك فتحه... جانت هناء مغلفته بغلاف كلش حلو فتحه وطلع التحليل..... عكد حواجبه ورفع راسه باوعلي شافني مبتسمه رجع دنك راسه يباوع اله نوب كلبه هيج رده هيج....
ايسر :شنو هذا
-فكر
-لا ايفان صدك شنو هذا اول مره اشوفه
-معقوله ابد ماشايفه
-لا ابد شبيج ايفان دحجي
تقربت منه واخذت ايده وخليته على بطني واني مبتسمه :- راح يصير عدنه نونو وانصير بابا وماما
اني بعدني هستوني كلت وهوه فتح عيونه على وسعهن وضحكه ماليه وجه....
ماحس غير واني مرفوعه من الكاع شالني وهوه يضحك حيل واني مبتسمه....
-عليج الله راح اصير ابووو
نزلني وهوه يضحك :-اي انشاء الله
أنت تقرأ
كحل العيون
Romanceمابين الفرح والحزن ،مابين الامل والصبر ،مابين الدموع والبسمه ،ومابين الحب والغرام ... #بالامل نحيى ونرى الحياة ... #الصبر مفتاح الفرج ... هل بعد كل مايحصل مع بطلتنه تتمسك بلامل وتصبر على ماجرى وسيجري ... قصتي الجديده لعنوان (#كحل_العيون)... انرتم ع...
