كحل العيون

البارت{31}

((#كحل_العيون))

البــــــــــارت الواحد والثلاثون 💕💕

ياشوك المواسم للمواسم
أشوفك نجمه بعيوني

((عادل سامي))
~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~
فزيت من النوم واني مرعوبه وعركانه واحس حبل ملتف على ركبتي باووعت كانت الشمس هستوها دتطلع خيط صغير ضوه داخل للغرفه ..وايسر نايم وفز على حركتي بسرعه حط ايده على ضهري ويدلكه :-اسم الله اسم الله شبيج حبييي اللهم صلي على محمد أل محمد ...

مد ايده صبلي مي من الدولكه الي يمه :-هاج حبيبتي اشربي مي وصلي على النبي كابوس هذا لا تخافين ماكو شي ..

هزيت راسي واخذت لكلاص وايدي ترجف ماكدر الزمه هوه من شافني هيج شربني مي ورجع راسي على صدره وهوه يفرك بضهري كال :-شبيج حبيبي شنو صار ..

-اااااه ايسر شفت بيبي ام سمير وجدو ابو سمير (وسلفتله شنو شفت بلحلم )

هوه ابتسم يطمني :-لا تخافين حياتي هذا حلم وماله وجود هسه خنكوم نصلي واسبحي ترتاحين ..

افرك بصدري واحجي :-لا ايسر اني سمعانه يكولون الحلم من الشيطان وهذا طيف وروئيه تتحقق ايسر ممرتاحه احس مختنكه كلش ...

-لا حياتي لتخافين ماكو شي انشاء الله كومي صلي واسبحي ترا اليوم نروح للمحكمه حته نعقد ..

هزيت راسي معنى ( إنشاء الله )..

رجعت شربت مي وكمت رحت للحمام غسلت وجهي ودخلت سبحت ولفيت نفسي بلمنشفه وطلعت لكيت ايسر كاعد على الجربايه ومنزل رجليه ولازم راسه رفع راسه شافني ابتسم وكام جر الروب الفرو واجه الي وخر الخاولي ولبست المنشفه ولمني لحضنه وكال :-شلون صرتي احسج تعبانه ..

-ماعرف ايسر احس مخنوكه ..

لزم حنكي بايده ورفعه اله ودنك باسني وكال :- ايفان كل متحسين روحج تعبانه اذكريني ترا اني لو ميت احيا بنضرة عيونج النرجسيه ...ولمست ايدج العسليه ... وطعم شفتج الورديه

هوه يحجي وعينه بعيني وايده على خدي يمررها ومبتسم ابتسمت ورفعت رجليه وكفت على اصابيعي وبسته بشفته ..

هوه ابتسم وباس كصتي وحضني حيل بحيث شويه وادخل بنص روحه واسمع دكات كلبه الي بنسبه الي نشيد وطني ...

اي ايسر بنسبه الي وطن شفت بي حنيه ابوي وطيبة امي وروح جدتي وضحكه جدي ...شفت بي اهل وفرحه شفت بي اجمل كائن على وجه الأرض ...

ابتعدت عنه واني اكول :-يله حبيبي روح اسبح وتعال حته نتوضه ...

ابتسم ودنك باس عيني اليمنه ورد باس عيني اليسره ...وراح يسبح .

اني طلعت الي دشداشه مال بيت ورحت صليت وجبت القران طلعت سوره ابراهيم وقريتها احس هاي السوره قريبه عليه وترتاح نفسيتي من اقرها وخصوصي بهيج وقت ....