كحل العيون

البارت {43}

((#كحل_العيون))

البــــــــــارت الثالث والاربعون 💕💕

اختل بحسنك وافج گلبي واطلعك
تلعب بعمري !!
واخاف الغيري يندلك واضمك

((عريان السيد خلف))
~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~
فزيت على صوت صراخخخ عالي والغرفه ضلمه واكوو خيط صغير ضوه داخل من وره البرده ضليت ارجف من الخوف والصوت مستمر بس مو ببيتنه الصوت قريب بس مو عدنه ....

تملكني الخوف من فوك لجوه بسرعه اجه على بالي ايسررر احسس هنااا الدنيا من صدك ضلمت ...

جسمي يختضض من الخوف وتعب مو طبيعي ..

اريد اشيل نفسي مدااكدر صرت ارتل ايات قرئانيه واذكر اهل البيت ...

بالف ياالله يله عنت نفسي وتكيت على الحايط ووصلت للباب خليت ايدي على اليده وايدي ترجف ..

فتحت الباب واني ارجف والصوت والصراخ نفسه وكل شويه يعلى ...

باوعت بلصاله فارغه واني احس الصوره شوشت كبالي صرت اشوف مشوش ...اغمض عيوني واعصرهن وافتح تتوضح صوره وترجع تشوش ...

احس الدنيا دارت وكوه واكفه وضيق نفس ...

رجعت الباب كنت متكيه عليه وكعدت بلكاع واني افرك بصدري ....

بهلاثناء جان تنزل رناا من فوك من شافتني فتحت عيونها على وسعهن واجتني ركض وهيه تسال :-ياااا شبيج ولج ..

كوه اخذ نفس واحجي واني افرك بصدري :-شكووو ......اخذت نفس ...ورجعت سالتهاا شكووووو شنو هلصراخ ..

-دكومي كومي ياعيني لا تخافين هذا خطيه ابن جوارينه الشيخ مجبل جابوو شهيد الله يساعد اهله ..شوو كومي خيه كومي ..

كوه خطيه ساعدتني وكعدتني على الدرجه الأولى وراحت جابت الي مي شربت ورفعت راسي لفوك ..

كعدت يمي وسالتني :-هااا هسه شلون صرتي

-رنااا احس مخنوكه وبالي يم ايسرر كلبي غادي نارر عليه

طبطبت على ايدي :-الله يساعدج عيني هوه هذا العسكري امره بايد الدوله وبالنه يضل كله يمه بس لا تخافين الله لحافض خيه هسه كومي وعيني نفسج ادخلي اسبحي واكليلج لكمه واخذي علاجج تتحسنين ..

هزيت راسي وسكتت شويه وحجيت :-اكلج شنو خاله وين .

-والله مادري بس اتوقع راحن للطم ...

شويه حسيت نفسي ستقريت ورنا كلتلي حسويلج ويانه ريوك نعم الله عليها سوتلي ريوك تريكت اخذت علاجي وستقريت شويه ...

نزلت هناء صبحت علينه وسالتني :-شبيج ولج

-مابيه شي بس شويه تعبانه كلش

-بله انتي دومج تعبانه اخذتي علاجج؟؟

-اي اخذته

-خوش بس اكلج هم اتصل عليج ايسر ...