كحل العيون

البارت{16}

البــــــــــارت السادس عشر 💕💕

نشتهي نشوفك....
مثل لهفة گلب يعگوب وأزيد.....

((لــِ عريان السيد خلف))

~~~~~~~~~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~~~~~~~~~
كعدت الصبح مثل كليوم وايسر واكف يخابر واسمعه يحجي.....

ايسر:هاهيه مو مشكله السبوع الجاي اجي لبغداد وفهموني السالفه ......... اي يمعود والله عندي دوام وهاي المشاكل غاطه لراسي انته مشيها النه ....... اييي والله هلكو*** دوهنه وكل فتره وجاينه بفاينه ........ ههههه جا هاي اول مره كل مره ومسوي مصيبه وهاي اليوم جدي يكتب بي سند ويطرده من العشيره ........ اوفف زين اكلك شلونه وضع الموصل هسه ......... والله مادري بس هم اكيد يجي نقلنه للموصل ........ انته يمته نزلت .......... هااا خوش يله ترجعون بسلامه هم وراي دوام ............... هههههههههه لك كو** دجفينه شرك وشر مصايبك مو  كوه خلصنه منها ...... يله فيمالااا....

سد الخط ولفتلتلي ابتسم.....

ايسر:هااا حمامتنه صباح الخير

إيفان واني اثاوب وامط بجسمي .: صباح العافيه ....شنو تريد تروح لبغداد

ايسر:اذا الله سهل على الأسبوع اليجي عندي شغل على مود هذا صاحبي واني داخل شراكه وياا بمعمل مال عصاير وصايره مشكله بلمعمل واتصلوا عليه....

ابتسم وكلش فرحت لان بدون مأساله ولا اتدخل حجالي....

ايفان :هاا خوش تنحل ماكو شي ماله حل.. يله بدل واني حانزل اسويلك ريوك....

ابتسم وباسني بخدي وكال :اكثر شي احبه هوه الريوك الصبح قبل لا اطلع للدوام...

ابتسمت وبسته بخده خطف وطلعت وسمعته يكول :الهي لو هيج لنعم لو متنراد..

ضحكت على سوالفه ونزلت لكيت خاله وبيبي كاعدات يتريكن والي فهمته انو جدو طالع وايمن رايح للجامعه عنده شغل لان راح يقرب الدوام الدراسي... بديت اسوي ريوك الايسر سويت اله والي ولمهيمن  لان همه متريكين والبنات نايمات ومهيمن يريد يطلع للمعرض لان المعرض صبح مهيمن يروح يوكف على العمال والعصر ايهاب وايمن بين كعدات العشيره  والمعرض وايسر بين الدوام وكعدات العشيره والمعرض طبعا بيهم طبع حلو حلالهم همه يوكفون عليه ويعرفون الصغيره والجبيره بي حته ماينغلبون ....ذكرت ابويه من جان يوكف هوه وزيد لو امير لان مايثق باحد غيرهم على حلاله....  كملت الريوك بهل اثناء نزل ايسر دخل للمطبخ من شافني ابتسم صبح على بيبي وخاله ورفع بنطرنه وكعد يتريك ويه مهيمن واني كعدت يمه تريكنه وكملنه غسل وشرب مي وطلع وكلي :ديري بالج على نفسج .. باسني بكصتي وراح

اكثر شي احبه من يبوسني بكصتي احسه يقدسني ويزيد بمحبتي اله كل دقيقه وكل ثانيه وكل لحضه بعد.... بديت بتنضيف المضيف الجبير لان محد اكوو بطلاع لروح يله خلصت نوب رحت انضف الاستقبال بس همه يسمو هم ديوانيه لو مضيف صغير احنه نسمي ستقبال لو براني كملت نضفت الساحه والحديقه رشيته وطلعت ريحت التراب تخبل ونسمة الهوه الصبح جنه الشته على الابواب ودائما الحديقه ووصاخته كليوم تنضيف لو ترابه تكتل كتل وخطيه هنوه عنده ربوو وكوه تتحمل الترابه... والله بحدود ال10يله خلصت كل التنضيف والكنس والجوه هناء لو رناا ينضفنه...دخلت للمطبخ واني ميته تعب جريت كرسي وكعدت جانت اكو دولكه مي شربت حسيت رتاحيت.... باوعتلي خاله وكالت :ها امي تعبتي الله يساعدج بنيتي...