كحل العيون

البارت{28}

((#كحل_العيون))

البــــــــــارت الثامن والعشرون 💕 💕

من عينك لحد عينك
ومامش ورى عيونك بعد

((حسن الترابي))

~~~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~~~

طلعنه من المحل مال الملابس واني اكله :-ونبي طلعت جمال من قست الملابس

غمزلي وضحك:-هيج اني حلو

-واحله بعد...

نوب كال احنه جاين جاين انتي موتردين مدري شسوين لوجهج...

-اي عفيه وجهي تعبان

-جا خوش راح اخذج لمركز تجميل بزيونه واني اروح للمعمل عندي شغل...

فرحت صدك والله اخذني للمركز وراح سالت على لقسم نسائي دلوني ورحت

سولي عنايه بشعري واضافيري وسنفره لوجهي وجسمي طلعت بلباكيت جديده اخبل... ههههه

شويه واجه ايسر من صعدت يمه باوعلي وندار يباوع على المركز ورد مرتين يباوع مصدوم :-كال انتي منو

-يااااا ايسسسرررر والله ازاعلك شنو انتي منو بطلت تحبني

-لااااااااااا بالله الكريم حراااااااااممم يعني هذا الصالون هيج ايسوي ديخلك ياعلي....

باوعتله واني عاكده حواجبي ومبرطمه وعيوني يذبن شرار :-افهم من كلامك تلمح لشي؟؟؟؟؟ والشي هوه اني مو حلوه ترا والله اعوفك واروح لابويه.....

اخذ وجهي بايده وقربه اله وهوه مبتسم باسني وبتعد وهوه يكول :- ليش اذا انتي مو حلوه منو الحلو شيب الخلفوي يابه انتي تخبلين وروحج احلى وفوك هذا اني احبج بعد شتردين....

دايره وجهي عنه ضايجه.. جرني من زندي اله وهوه يسوق :-كفيلج محمد احله زعطوطه بدنيا انتي....

-واكثر شايب بدنيا لإيم انته...

-هههههههه خوش ارويج الشايب يزعطوطه.. وشنهي هاي اروح لاهلي شنهي ولج كو*** اني هنانه وتعوفيني وترحين حتى اشدج بلقماره

-وشعندي ضاله يم واحد شايب ويعيب ويقلد ويتنمر عليه...

اشوفه بس يبتسم ممهتم  ضليت اباوع بوجه وحركاته ممرتاحه اله احس اكو شي والموبايل كل شويه واجت رساله يفتحه ويضحك ويسده ويرجع يجي رساله اخر شي بعد ماكدر اسكت سحبت الموبايل منه هوه بسرعه ضرب بريك احس راسي طخ بجامه مال السياره...

اريد اباوع للموبايل سحبه مني وهوه يخوزر :-ليش تمدين ايدج على نقالي مو تدرين بيه ماحب احد يراقبني.....

-ايسر ترا وضعك ابد مدايعجبني شنو هاي تقلد عليه وبس على الموبايل شبيك.....

مارد شغل السياره ومشى واني اتخبل من هيج يسوي ودي اكطعه تكطع بسنوني بس العين بصيره والايد كصيره كلشي مداعرف اصرف.....