كحل العيون

البارت{37}

البــــــــــارت السابع والثلاثون 💕💕

يكول #ايسر :

عود انا حالف ما أحب....
بس أنت أجيت بدربي ...
لزمة حمامة بچف طفل بالگوه لازم گلبي...

~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~

صافنه وايدي على خدي دخل ايسر ..

ابتسم وكال :-شعندج صافنه وايدج على الخد ...اضنج عاشكتني ومشتاكتلي هاااا ...

ضحكت واجه كعد يمي وسحب الريمونت ويكلب بتلفزيون كال :-شبيج حبيبي

-مابيه شي بس انته مو سالتني على ابويه هذاك اليوم من اجينه للبصره

-اي

-قبل شويه سالت امي وكالتلي .......سولفتله شنو كالت امي من الالف للياء ...

ابتسم وطبطب على جتفي وكال :- واني اكول عليمن طالعه هيج معدله وبالف زلمه يهنيالي بيج

ابتسمت واني اباوعله كال :- انه حتى لو صارلي شي بهلدنيا مأمن على اطفالي عد مره وحدها بعشر زلم......

عكد حواجبي :-شنو هلحجي ايسر بيك شي

-لا يروحي هاي اني كبالج لا ناقص ايد ولا ناقص رجل بس ايفان ...

-بس شنو ايسر ترا اعرفك من عيونك وصار فتره منتبه الك ومغلسه بمزاجي اريدك انته تحجي وهسه قطعت الشك بليقين اتمنا الي ديصير مو الي ببالي ..

-شنو الي ببالج

-ايسر امانه احجي ولا تخلي كلبي بشيشه مو قلقتني ونبي ...

-عليمن تقلقين ياعمري هوه لموضوع يسوه ..

-جا خوش انته سولفلي شكو وشنو السالفه ..

-احجيها الج من الاخير كل مافي الموضوع السبوع الجاي التحاقي للموصل .....

قاطته واني اضرب ايدي على صدري وكمت واني احجي :-لا ايسر لا امانه لا تاذيني انته الثاني وتكسرني تعبت ترا تعبت ....راح ابويه وانته .....لا مستحيل تريد تموتني مووو تريد تموتني ايسسرر كلشي ولا هاي السالفه ...

كام الي ولزم وجهي بثنين اديه اني مجرد فكرت بالموضوع ويروح احس ختنكت وبعد ماكدر اتنفس ايسر كل هلي وكل عالمي اذا راح اني اموت ماكدر بدونه نزلت دموعي .....

مسح دموعي وباس عيوني وشفتي وكال :-يبعد هلي لا تاذيني بيهن والله دموعج يذلني ....باس راسي ..

وكمل :-ايفان الموضوع مو بايدي اجه كتابي ايسر سعد حمدان التحاقه للموصل بكذا يوم شنو جا السالفه بكيفي ... وترا من قبل لا يتوفه ابوج ردت اكلج التحاقي وره العيد بس شفت وضعج وهذا الي صار سكتت وكوه كوه اخرة التحاقي على مودج يبعد روحي روحج فدوه اروحلج لا تعرضيلي و خليني اروح...