كحل العيون

البارت{ 34}

((#كحل_العيون))

البــــــــــارت الرابع والثلاثون 💕💕

مات ابونه وما بقه عله البيت حارس....
عدنه بس صوره علي بالبيت حارس...

((اثير الـ صباح))..

~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~

فزيت الصبح تقريبا الساعه 6 على صوت مره تصيح بلطرمه ...

بلبدايه ارتعبت وضليت ارجف اول منكعد نكون ناسين وممنتبهين او منذكر شي بس بعدين استرجعت ذاكرتي وغمضت عيوني حيل وعصرتهن ...

جانن خالاتي وعماتي كاعدات قبلنه وشايلات الفراشات بس احنه بمكانه كمنا ودخلن النسوان وهنه يصيحن وامي وياهن كامت تلطم اجت وحده من اقارب امي وصيح :-ولججج خايبه كابليني ابو كلب الحنين رااااااااااحححح تصخمتي وتعزيتي ينهىىىىىىى ترملتي يخييييييه يبووووووووووو...

امي سمعته وكامت تدك على صدره وتصيح :-رااااااااح رااااح ابو بيتي ووفلي رااااح رااااح حزام ضهري وهدنييي وحيده ولج خييييييه راحححح وعافني ويه هليتامه مثل روحتتتت ابوووويي راحححح ..

صارت تدك على وجه وتبجي كعدت على التخم وتدك على رجليه :-رااااح ابووو بناتي بدون ميودعنييييي ولجن ماشميته ولا لميته لكليبي ولجن ماشبعت منه بعدددني ولجن مالميته بين ضلوعيييي رااااااااح وخلاني بهلدنيا وحيده لا سند ولا تلدددد ياااببه اخخخخخ يايابه كسرتواا ضهري ليششش ليش هكسره ..

من شفت امي هيج والنسوان كلها تبجي على حالها ماما كلش تحب بابا ومن حبهم اني تعلمت احب ايسرررر ...من شفتها هيج ذبيت روحي على رجليها وابجي واصيحححح ...

ماعرف شكد مر وقت واحنه صياحنه وبواجينه للضالين ...

وتجي النسوان تكابلنه ويلطمن ويانه مااعرف ليش هيج يسون بس اني اضوج واكعد ابجي .....

صارت تدخل النسوان موجات موجات والملايه تنعى وتلطم واحنه بس تكول راح والينه نتخبل ..اخر شي من كد ماتعبت صرت ادك على راسي واصيححح :-اييي والله راااحح وهدنه والينه راااح بوييييااااااا ......

شويه وراحت الملايه تقريبا الساعه ب9 اجت خالتي انطتنه لفات بس احنه بيا حاااال حال اكل احنه ...

اصرت عليه خالتي ماكلت ...

لشويه وجان تدخل خاله ام ايسر وبيبي ام سعد وخاله ام حيدر واسماء وهناء ...

من شفتهم دمعت عيوني حسيت اكو عائله خاصه بيه وجايه متعنيه من البصره لهنااا بس احترام الييي اني حسيت بنتماء لهل عائله الي حقاً همه عائله الي ..

كمت الهن واني ابجي وبيبي ام سعد تعزي سلمن على امي وعماتي وخالاتي الي كاعدات ووصلن الي من شفتهن شمرت نفسي بحضن بيبي واني ابجي حطت ايدها على راسي وكالت :-اااووووف يحبوبه يصبركم الله من صبر زينب يحبيبه البقيه بحياتج ييمه ...