كحل العيون

البارت {36}

((#كحل_العيون))

البــــــــــارت السادس والثلاثون 💕💕

هسة المهم عُوفي العَتب...
خِاف يَمر بَيچ التِعب ....
بالحِلم طَارش وديّ .....
تلگيني واگفلچ حِرز .....
يم شَعرچ المُتبدي.......

~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~

ضلينه اني وايسر نسولف ونضحك كان هليوم مميز جداً وبعدني عن الدموع والحزن ..

نوب رجع دُل دل لمكانها ووايسر جاب علف ووكلها كالي هاج وكليها ..

ايفان :-اخاف ..

ابتسم :-من شنو تخافين هاج حبيبي ..

اخذت من ايده وقربتها على حلكها اكلت ابتسمت وكملت اكل واني امسح على ضهرها والعب بشعرها حلو ناعم ...

بس ذيلها هستوني حطيت ايدي عليه شو هاي تريد تضربني بي ضحك ايسر ..

شويه واخذني ايسر نتمشه بلبستان واني احب هيج اماكن كلها طبيعه وحلوه ...

كعدنه جوه شجره السدره (شجرة نبك) ...

كعد ايسر يمي وخليت راسي على متنه وايدي بايده ونسولف وهوه يسولفلي شلون جانو صغار وطلعوا للصيد ونوب كال

... :-ايفان اذا الله سهلج وصار عدنه اطفال احنه هنا صرنه عائله واني ماحب اكعد عمري كله ببيت جدي احس هنا اصير ثكيل عليهم وعضم بني ادم ثكيل...

-بس حبيبي ترا انته كاعد ببيت جدك يعني مو غريب والي افهمه انو جدو يريد يجمعكم كلكم نفس البيت وجنتوا كلكم سوه وهسه فهمت من خاله على اساس جدو يريد عمو خليل ابو سجاد يرجع للبصره ...

-اي صحيح جدي هيج يريد بس جدي عوفي عليه ايفان اني ماحب التجمعات والكرايب وهاي السوالف ...

كمل :-ولا تنسين نفسج انتي السنه الجاي تداومين طب والطب صعب وينرادله حيل ووقت وتعب ...شلون تكدرين ترهميها
واني اعرفج بين الشغل والبيت والعيال واطفال إنشاء الله بطريق وين تلحكين اني افكر بيج لان اعرف مصلحتج شنو ...

اخذت ايده وبستها :-مايهمني من الدنيا كلها شي غير وجودك بحياتي لو تعيشني بكوخ اكلك معيشني بقصر ...

ابتسم وباس خدي :-يحفضج الله الي يبعد هلي ..

ضلينه نسولف وهوه يسولفلي شلون يريد البيت ومبين من كلامه راغب يعيش ببغداد بعيد عن الكل ايسر كلش زين اعرفه مايحب يختلط ويه الناس ويجامل

تعامله ويه الناس جاف والابتسامه عبالك  بفلوس عنده ..

بس اذا شخص يعرفه صديقه واهله لاااا حجيه وسوالفه تخبل فديته حبيبي ..

باوعت وكفت حمامه على الشجره ووكع نبك من الشجره ..

رفعت نفسي ومديت ايدي اخذت نبك ..