((#كحل_العيون))
البــــــــــارت الواحد والعشرون 💕💕
دنـــــيا و وراها الموت ....
وانه اصفن الها .....
اشكثر ذلت ناس ....
والله اله اذلها ......
((عريان السيد خلف))
~~~~~~~~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~~~~~~~~
من سمعنا كلامه بعد مانعرف شنسوي يعني حته ماماتوا بتفجير السياره واني صرت اتخيل منضرهم وابجي وخاله تعيط وتبجي على صديقة عمره ودربه من اول ماجيت دائما تتصل على خاله وعلاقتهن قويه صرنه نبجي على بجي خاله ونحبه على محبت خالتي ضلت خاله بحدود الساعتين تبجي واحنه نحاول نهدي بيها لا يصعد عده سكر ويكتله صعبه من شخص تعتبره اخووو الك يموت بهيج طريقه حاجته بيبي ام سعد
ام سعد :ولج يمه لا تجتلين رويحتج شنهي هيه بدينا كلمن ومنيته ييمه منيتهم اخذتهم لو مايتين هيج جان ماتو وهمه ببيوتهم ذكري ربج يمه جا لو صارلج شي بيت الشيخ حمدان منهو اله يمه انتي الكل بلكل انه مره جبيره كومي يبعد امج وحسي دميعاتج وذكري ربج كلنه نموت....
خاله حضنت بيبي وكامت تبجي بيبي شبكته وبجت وياها...
ام سعد :كومي يبنيتي وحسي دميعاتج وغسلي وجيهج يبعد جبدي
كامت خاله ويه مكامت وكعت من طولها ...
انخبصنه بخاله شالها ايمن وصاح جيبو عبايه وايسر راح يشغل السياره اني باوعت اكو عبايه على المحجر مال الدرج جريتها خليتها على راسي وركضت وراهم ماعرف شنو السالفه بس كل الي اعرفه خاله شو شبيها ومنضر خاله ميروح من بالي شلون وكعت احس وكعت روحي ويها لكيت ايمن ملبسه عبايه وحاطه بلوره وهوه صعد بصدر وايسر يسوق قبل لا يشخط السياره اني صعدت اندارلي ايسر..
ايسر :شكووو جيتي
ايفان :معليه والله ويه خاله
ايمن :يله ايسر ماتشوف امي شلونه
بسرعه شخط السياره وطاير بينا طيور شويه ويكلبنه واني حاطه راس خاله بحضني وخاله فاقده فرد نوب رشيت عليها مي ماكوو اني هنااااا تخبلت كمتت اصيح:يله ايسررررررر بساااااع خاله ماعرف شبيهااااااااا يله فدوه اروحلك بساع.
هوه سمع هيج زين ماكلبنه عبرنه من يم سيطره بس شافووا بساع عبرواا واني كلبي بين رجليه صاير احس لهوا دينكع عني انده بخاله ماكوو فاقده واني من اشوفه هيج اكوم اصيح وايسر وايمن يتخبلون خوب ايمن يصيح يمه بس تحملي يبعد روحي هاي وصلنه والله ماعرف شكد مر وقت الي هيه دقايق بس كفيله تخيم الحزن والخوف علينه واحنه كلوبنه بدينه من الخوف على شمعتنه اي الام شمعه ماتنوصف ولو شنو مانحجي ونكول الام قليل بحقه وهلانسانه صارت ام الي اني يلي اجيت فصليه ونغصب ابنه عليه مؤمنه وتساعد الناس دعيتله دعوه بحياتي ماداعيته لشخص.... ويه ماوصلنه نزل ايمن شالها بثنين اديه ويركض بيها للطوارئ ويصيح وايسر يركض وراه جابو سديه وحطوها بيها ويركضون شكلهم وركضتهم تكسر خاطر اقسه انسان عبالك أطفال وخايفين على فقدان امهم واني اركض وراهم اخذوه وكشف عليها دكتور وكالو عده انهيارر عصبي وجلطه
أنت تقرأ
كحل العيون
Romanceمابين الفرح والحزن ،مابين الامل والصبر ،مابين الدموع والبسمه ،ومابين الحب والغرام ... #بالامل نحيى ونرى الحياة ... #الصبر مفتاح الفرج ... هل بعد كل مايحصل مع بطلتنه تتمسك بلامل وتصبر على ماجرى وسيجري ... قصتي الجديده لعنوان (#كحل_العيون)... انرتم ع...
