كحل العيون

البارت{17}

((#كحل_العيون))

البــــــــــارت السابع عشر 💕💕

اعز من روحي اعزك ....
وانته اعز مني ......
ياحسبت عمر خاويته من صباي ...

((عريان السيد خلف⁩))
~~~~~~~~~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~~~~~~~~~
كعدنه الصبح مثل كل يوم نزلت اسوي ريوك الايسر لكيت خاله والبنات سلمت عليهم بس لمياء ماردت مهتميت الها الي فهمته انو رجل لمياء طالع من الصبح على اساس عنده شغل ومكدر يضل سويت ريوك الايسر وطلع لدوامه وبدينه بلتنضيف خاله راحت لجوارينه مسويه عمليه راحت تشوفه واسماء اجه رجله اخذه وكالت اذا هاي وره الغده اجي وهناء نايمه وبيبي راحت لبيت ابنه لقمان تشوفهم لان لقمان ماله خلك وصاعد ضغطه وضلينه بس اني ولمياء بديت انضف مثل  كليوم خلصت تقريباً ودانضف بالحديقة وازكيه اجت لمياء تمشي جنه طاوس كالت :اكوول تعاي نضفي غرفة بيبي ام سعد

ايفان :بس اني عليه تنضيف المضيف والاستقبال والحديقه والمطبخ والساحه وباقي لبيت على هناء ورنا....

لمياء :اولاً هناء مو جنه بهلبيت حته تنضف وتشتغل ورناا مره حامل وماتكدر كافي عليها الي ببطنه وانتي هنا شغلتج تنضفين..

ايفان :عفواً افهم من كلامج دتلمحيلي على شي....

لمياء :لعد شتريدين اكولج سمعنا وطاعه حضرت الخاتون لا تنسين نفسج حته وان اخوي حسبج اله مره بس انتي كلج طرك فصليه هذا شغلج وتاكدي انو الي فهمتي من تلميحي صحيح بس ردت احافض على مشاعرج... هههه..
عوجت حلكها وراحت...

أحياناً نتعرض لكلمات قليله بس هيه تكون كفيله على اذيتنه وتدمير نفسنه وتحطيم كلشي حلو بنينا شكد ماافرح واكول راح ارتاح تطلعلي شغله جديده ويجي احد ويجرحني وشكد مااحلم بشي حلو واحس رتاحيت تطلعلي شغله صفح الهي مو جزع بس الحمد لله....

ماكدر اكول لا هوه اول وتالي هيه حتروح جايه خطار يومين وترجع واني رحت للبيت نضفت الجوه الغرف والصاله والهول دانضف بغرفة بيبي ام سعد جدو جانت غرفه بسيطه بيها جربايه وبوفيه وكنتور فلبوفيه بيها نضد مال دواشك وبطاطين ومخاد داك ويه السكف فاجت لمياء باوعت وتقربت على البوفيه وجرت النضد كونه وحده متمسكه بوحده كله وكع مره وحده ضليت صافنه عليها جان تكول
لمياء :يله عيني رتبي النضد متشوفي شون مهوس ابد ممرتب سكتت ماحجيت شي وبديت هيه راحت وعافتني رحت جبت الدرج من المخزن وبديت اصفط واصعد على الدرج وارتبهم لمن وصلت لاخر سافين ويخلص هوه النضد عالي وطاك بسكف واني كصيره وحايره بزماني لان حته واني على الدرج ماكدر والله رب العالمين ميخلي واحد حاير ليش مادور وجهي والكه  ايهاب يريد يطلع بسرعه صحته :ايهاب...... خويه ايهاب