كحل العيون

البارت {26}

((#كحل_العيون))

البــــــــــارت السادس والعشرون 💕 💕

نامت...
نواطير الهوى....
ومني إنبگت سكتاوي....

((زامل سعيد فتاح))

~~~~~~~~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~~~~~~~~

بيوم كعدت الصبح وجهال اسماء يمنه نور بحضني واحمد بحضن ايسر حاطيهم بنصنه وايسر الدنيا ماتشيله بيهم يلاعبهم ويوكلهم واول يوم من راحت امهم بليل ضلو يبجون يردون امهم من شافهم هيج تخبل لان يبجون يردون امهم كالي : لبسي عباتج خل انفرفرهم خطيه

همه وسمعوا بيها طلعه كيفوا اني لبست عباتي واخذناهم فررناهم وونسناهم ورجعنه بيهم ومن يومها لا سالو على امهم ولا كالو نريده اني اكعد اسوي تسريحات بشعر نور واكعدهم يمي بلمطبخ واسويلهم حلويات وهمه طايرين.....

كعد ايسر باوعلي نور حاطه ايدها بصدري  ونايمه احمد حاط ايده على اخته ونايم : صباح الخير يلخير كله

ومد ايده على خدي...

ابتسمت :صباح الفل حبيبي....

-دباعي ذوله شلون نايمين الك** يخبلون

-ياااا ايسر عيب عليك تلفض هيج الفاظ كدام الجهال بعدين همه طيور بلجنه ليش تحجي هيج عليهم

-من**** اطيور بجنه دصبري وشوفي من يكبرون

ضحكت :-ثلثين الولد على الخال...

فتح عيونه على وسعهن :خررررررب هسه انه طلعت ك***

يبوووووو من الصبح صرت اجفص .  

:-لا حبيبي شنو مو هذا قصدي والله بس انته مو كلت.... قاطعني

-لا هوه اني ك****

شال الحاف وكام راح للحمام.... اهوووو اني مابطل تجفص شكد ماايسر لسانه باذر ومتبري منه وشكد ماحجيه كله بطوط بس مع هذا اذا احد غلط عليه ميقبل ويكلبه كلاب وهاي ايسر زعل عليه اوفف ....

طلعت ايد نور من صدري وبتعدت عنها جنت لابسه دشداشه قصيره فوك الركبه وبيها طبعا مال لولو كاتي شلت الغطا وكمت الجو بارد بس الغرفه دافيه باوعت الساعه ب 7....

رفعت اديه واني الم شعري واكفه على المرايه دخل ايسر وهوه لاف المنشفه على خصره ويمشط شعره باصابيعه... الجو بارد وشتا وهذا سابح كتله :-ترا الجو بارد لا تستبرد
تعداني وماهتم هوه وكف كبال الكنتور يبدل

واني رافعه ايدي ولازمه شعري مسويته ذيل حصان بس عود اريد اشده بس صافنه على حركاته وملامحه بارده لان تجاوزت زعل اوووف... كمل اجه على ميز تواليت واني صافنه عليه واباوعله بلمرايه وهوه يلبس الساعه ومحابسه ويحط السلاح بخصره...