كحل العيون

البارت {30}

((#كحل_العيون))

البــــــــــارت ثلاثون 💕💕

الرزق من الله
والعافيه بلياك ابد مو عافيه

((فيصل عاشور))
~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~

دخلنه لمنطقتنه  تقريبا بساعه 10:30 احس الهوا وريحت ولايتي احلى من الف ولايه احس هناااا راحت بالي وضحكة روحي ...

نزلت جامت السياره وطلعت شويه راسي من السيارة والبسمه ماليه وجهي وايسر يضحك تنهدت :-آآآآآآآآآآآه  شايف هاي شوارع ولايتي جنت خاطتها خط من راسها لساسها ومسويه عصابه والعب بيها شايف هذيج الدربونه هاي مره اكو ولد ابن جيرانه دانلعب ونكسرت رجله جبنه كواني وكراتين صفطناهن ونومنا فوكهن وسحلنا لراس الشارع لبيت اهله ...

اااه باوع هذاك دكان بيبي ام تحسين ...

-ايسر امانه اوكف يم هذا المحل

-لا حبيبي كبل نروح لبيت اهلج ..

-لا امانه بس اسلم على بيبي ام تحسين ..

باوعلي ابتسم وهز راسه ...صف كدام محل ام تحسين جانت كاعده بلباب والعكازه مالتها بايدها كلش تعبانه خطيه ابتسمت وحجيت :-شلونج بيبي

حطت ايدها على عيونها عن الشمس وتباوع عليه :-هلا هلا يمه منو انتي ..

ابتسمت وفتحت باب السياره ونزلت :-شلونج بيبي  اني ايفان شسالفه ....هستوني حجيت قاطعتني وهيه تبتسم وتكول

-يااااا بنيتنه افونه شلونج يمه تعاي انطيني بوسه يبنيتي ..

رحت الها سلمت عليها وهيه تضحك وتسال عني :-يمه شلونج شلونه رجلج وياج والله دوم نذكرج حته جدج ابو تحسين وعمج تحسين دائما يسالون عنج وامج تكول بخير ...

ابتسمت :-فدوه لكلبج بيبي والله الحمد لله وزوجي خوش رجال اخو خيته ودره مال الله ...

طبطبت على جتفي :-انتي تربيت ام سمير ونفس طيبتها الله ينطيجن على نياتجن ...هذا الوليد الي بسياره رجلج ..

-اي بيبي

رفعت ايدها وسلمت على ايسر :-شلونك يمه  شلون عافيتك

ايسر جان كاعد ولابس نضاراته ويباوعلنه من سلمت علي نزع النضاره وابتسم وكال :-حياج الله حجيه الحمد االه بخير انتم شلونكم عساكم سالمين ..

ام تحسين :-الله يسلمك وليدي ويستر عليك يمه هلهلا هلا  بافونه بنيتنه دير بالك عليها ترا هيه ورده ...

هز راسه وابتسم :- بعيوني حجيه

ابتسمت ونداريت لبيبي ام تحسين :-يله بيبي اني اترخص هم اريد اروح اشوف اهلي

-كل الهلا بيج بنيتي اذا هاي احنه بليل انمرلكم نشوفكم ..

-انشاء الله ..