كحل العيون

البارت {46}

((#كحل_العيون))

البــــــــــارت السادس والاربعون 💕💕

لو مرني طيف يوم تتبده العيون !
اسولف بحبك دوم خلهم شما حجو يحجون..

((عهود المالكي))

~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~

باوعلي وكال :-اه انه قاسي ..لو بيدي حيل

ابتعدت عنه وكتله :-هم شايب وهم ميكعد راحه ..

-نجبي الزعطوطه ولج انه شايب ..

اخدت الدوش وكملت غسل بجسمه وهوه مبتسم :-اي انت

-ايي شصار ماصر بذيج الايام

-والله ياعيني كلشي ماصار بس اني الوج وخايفه عليك

جر ايدي وباسها وكال :-لوو اضل لعمرر كله احمد لله على هاي النعمه هم انه مكصر اااااااه والله احلى مره شافتها عيني ..

ابتسمت ودنكت بسته على عينه المضمديها :-يكفي انته موجود يمي كلشي مايهمني ..

-يحفظج الله الي ولا يحرمني من شوفتج ياحلى شي صار بدنيتي ..

انداريت وكفت وراه وهوه كاعد على الكرسي واني مبتسمه واكوله :-هسه شلون اغسلك راسك الا اغسله؟؟

-ايي ايفان احس شي يمشي براسي بس لا صار بيه كمل ومسويات لمه براسيي يبوووو الا يسوني مضحكه ..

ابتسمت واني ابعد بشعره كتله :-هسه ارفع راسك لفوك تكدر؟؟

-اي اكدر

-اي حته اغسله الك ومااوصل لعينك ..

ابتسم وهز راسه واني جبت مي ورفع راسه لفوك وبديت اغسل بشعره حطيت شامبوو وهوه مغمض عيونه ويسولف على جماعته الي استشهدوو ويكول :-ااااااخخخ لو اكدرر جان كلهم شلتهم وجبتهم بس ماكدرت

طبطبت على كتفه :-لا تخاف يبعد روحي هذولي شباب الجنه هذولي شهداء خليهم الله يجازيهم بالاخره احسن من الدنيا ..

هز راسه وسكت واني خلصت غسلت شعره ووشطفت جسمه وجريت المنشفه وانشف بشعره ...

اخذ غير منشفه وبايده المابيها شي نشف نفسه وساعدته يبدل جانت اكوو مرايه بلحمام باوع لوجه وكال :-ااااااااه شحلات النظافه

ابتسمت هوه جان واكف ومنتكي على الحايط حطيت ايدي على خصره وحضنته :-الحمد لله على سلامتك حبيبي ،،ونعيماً

ابتسم وعصرني بحضنه ودنك يشم بركبتي رفع راسه وهمس :- تدرين انتي احلى شي صار بكل دنيتي ..

رفعت رجليه وبسته بركبته :-احبك !!!

-اعشكنج ما احبنج انه !!!

شويه ابتعدت عنه ولبست دشداشه طويله فوك ملابسي وفتح الباب وطلع ...