كحل العيون

تكــــــمله ـالبارت{12}

تكمله البارت الثاني عشر 💕💕

بعـد ماعدنه واهـس
نلتقـي وياكــم وضحت سالفتكم
وفتهمناكـم عشرتكـم كصيـره
وناس جـذبيـيـن لــو ندري
بحجيكــم مـا عشكناكــم
جـازيتونـه بيمـن وانتــم مـن
ايـام بعـتو ارواحكـم واحنـه
شــتــرينــاكـــم

اختكم الصغيره استبرق الكردي 👸🏻💕

~~~~~~~~~~~~~~~~~~~~~~~~~

رجعنه للبيت وخاله ام ايسر لو شنو مااوصفه قليل بحقه لان صارتلي ام وهناء وايهاب صارولي اخوان ......اجه ايهاب بعد مجاب العلاج وضليت اباوع على شوارع البصره وجمالها الي مشايفته غير بس من اجيت فصليه ومن اخذوني للمستشفى من نكسرت رجلي وهاي اول طلعه..... ههههههههه ايفان والله عندج سوالف صارت روحت طبيب طلعه افاااا وين جنه وين صرنه الحمد لله والشكر ....... دخلنه للمنطقه طبعا البيت صاير ركن على الشارع والمنطقه الي عايشين بيها منطقه عشائريه واحد يعرف الخ ...... صف ايهاب السياره دانزل رفعت راسي شفت ايسر جانت الساعه بحدود 2:30هيج شي.... نزلت من السياره وهذا يخوزر وكل خزره احسه تشلعني من الكاع فد خفت كلش لان هذا مخبل والله احسه مخبل ساعاته براحاته ....... بعدني هستوني دخلت للبيت وخاله دخلت قبلي ويه مدخلت للصاله اجه وراي ويرعد..........

ايسر:شنهي الراي يام ايمن .......

ام ايمن:ها يمه خير خما اكو شي وهاي مريتك لا ناكصه ايد ولا ناكصه رجل ........

ايسر:هوه هنا مربط الفرس شلون تخليهن هيج يطلعن من ياوكت نسوانه هيج يطلعن ورايح والجاي يباوع على جسمهن هااااااااااا... على هذا الحجي اشد اكرون واكعد واخلي مرتي واختي يا'***** اجه وباوع عليهن .......... وانته شنهوو هنا انه مخليك تطلع وياهن كــــــــــواد لو شنو بضبط ..........

ايهاب:العفو خويه بس من رخصتك ان جانت على مريتك هوه هذا لبسه وطبعهم وان جان على هناء هيه هناء هيج تطلع للجامعه شنو الفرق عن الجامعه وانه قبل لا يطلعن باوعت الهن زين البنات مستورات ولا شعرايه طالع منهن....... وترا المابي حض لو المره تلبس بطانيه وتطلع هم يضل عينه زايغه عليها فياخويه ماكو داعي لهل حجي .......

ايسر:لا والله اله داعي ونص شنهو كواد واخلي احد يحط عينه على عرضنه حته افكس عيونه ...... التفت النه........

ايسر:ثواني اذا المح طولجن امحيجن من الوجود يلا فــــــــــــــــــــوك ..........

يمه احنه سمعنه صوته رجلينه معاد تعينه وهذا يرعد عبالك اعصار كوه على سريع كلمن راحت لغرفته دخلت وسديت الباب بساع نزعت العبايه والحجاب والحذاء وكعدت مثل الحبابه حته يجي الذيب ياكلني 🙂🙂🙂🙂............

شويه واسمع خطواته احسه زرفت الكاع مدري من الخوف هيج احس ........ دخل جاكشان للغرفه اجه عصر فكي بأيد احس اصابعه نبتت بوجهي وهوه حاط عينه بعيني واني هم ابد منزلته واني بهاي الحضه الي كتمت وجع بداخلي نزلت دمعه يائسه من عيوني وخر ايده بساع وهوه يباوع لوجهي ........