كحل العيون

البارت {45}

((#كحل_العيون))

البــــــــــارت الخامس والاربعون 💕💕

استغفَرت عشگي وسجدت بـ باب ذنبَك يامتَعبني وأحبَك .....

~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~

تقربت منه وهمس :-شلونج

ابتسمت واني اباوع لعينه :-زينه

رفع ايده وخلاهه على وجهي وكال وهوه يحجي بصوت ناصي:-ليش هيج وجهج تعبان وذبلان؟؟.

-روحي ماتحمل فراكك ياايسرر!

-هيج انه عزيز عليج؟

-مو كبل جنت اكلك انته امي وابويه وانه يتيمه لو فاركت روحك ..

من حجيت هيج بسرعه اخذ شفايفي وباسني حيل وابتعد وكال :-هسه يلا رتوت روحي ..

ابتسمت وحطيت راسي على صدره وايده على ظهري ويمسح على ظهري ومبتسم نوب سال :-شلونهم بناتي؟؟

ابتعدت عنه واني اباوعله كتله :-لحد هسه معرفت جنسهم .....قاطعني صوت فتحت الباب جان ايهاب يدخل وهوه يكول :-يالله يالله

من شافنه ابتسم وكال :-هااااا شلونكم يلمعاشيك وانته حال الضيم حالك وماتكعد راحه استجن شبيك !!!!

يمه اني خجلت ايسر ابتسم بتعب وكاله :-دنجب م****** شمسوي هسه انه ..

ايهاب ضحك ورجع لوره وكال :-لا بويه خليكم براحتكم ضلوو لصبح انه شعليه اروح احسلي...بس هااا انتي الزقجه امي تكول يله ختجي ..

ابتسمت وباوعت لايسر وهوه ابتسم وكال :-يله روحي وديري بالج على روحج ..

صدك طلعنه ورجعنه للبصره بس كلبي وروحي وكلشي عفته يم ايسر والحمد لله من شفته متحسن رتاحيت اكثر من البارحه ..

والي فهمته على اساس انوو سلمان كاعد ووضعه مستقر بس هم ضال على المهدئات ..

وهناء كل ما اباوعلهاا الكاها صافنه وتتبسم ...

رجعنه للبيت والبيت كاض مالك محط رجل وعماته لا استحن ولا خلن حياء ....واني بطريق تذكرت سويج سيارة ايسر جنت خالته جوه فراش خاله ..

رحت لكيته مكانه ماباوعت لاي احد ولا درت بال لاحد مباشرة صعدت لغرفتي وخاله بطريق وصتني كلتلي :-ايفان يمه هسه راح نروح للبيت انتي كبل تصعدين لغرفتج ونامي يمه مو زين عليج طريق وفره وتعبتي وانتي عندج فطر بجاره صدك يمه هم نزل عليج دم ..

-على الاغلب لا والله مادري

-جا شتدرين يايمه

المهم :- صعدت لغرفتي لكيتها مليانه تراب متروكه صارلها فتره ..

اخذت نقالي جان موجود على ميزز التواليت وتصلت على ايهاب لان ايسر موبايله ومحفضته واكعات منه بلموصل  بس الحمد لله الهويه والجنسيه موجودات...