كحل العيون

البارت {33}

((#كحل_العيون))

البــــــــــارت الثاني والثلاثون 💕💕

آخ يا نسمــــة شبابي الغـربت ياهـو اليــردهـا

((عريان السيد خلف))

~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~

سكتت محجيت ... ونزلت اوكف اسوي عشه ويه البنات واشوف الكل متوتر ويباوعولي بنضرات غريبه ابد مارتاحيت حسيت اكوو شي غلط ديصير  وايسر ابد معاجبني ...

لشويه واذن الاذان فطرنه وصلينه وفرشنه السفره وكلنه كعدنه سوه بس كلها متوتره ماعرف شبيهم ..

جنت مسويه شوربه لمسلم طبعا ساعات عندي وساعات عند امه اكول هيه امه والبنيه زين منها من هيج تصرفت واعرف اول وتالي الدم يرجع بس الربة ميضيع ...

حطيته بحضني واوكله كمنه لمينه السفره ووكفت اغسل المواعين مال رمضان يكتلن كوه خلصت لمن طلعت روحي والجوو حاره البصره كلش حاره ...

خلصت رناا كالت خلي مسلم عندي وانتي روحي رتاحي وهم ابو يريد يشوفه ..

مكلت شي حقهم ..

صعدت لغرفتي لكيت ايسر لازم راسه موجوع رفع راسه باوعلي بنضرات غريبه كالي :-ايفان حضري نفسج باجر اخذج لبيت اهلج ...

عكدت حواجبي بستغراب :-هااا صدك ايسر بس شعجب شنو لمناسبه شو من اكلك تكول ماكدر بدونج  ...

-اي ياايفان ماتردين تشوفين اهلج ياحبيبتي حضري نفسج وصبح نروح ..

-هاهيه حبيبي مو مشكله تمام ...

تقربت كعدت يمه واني اباوع بعيونه كل شويه ويغمض لو يدور عيونه ابد ميباع بعيني نضراته ممطمئنه الهن احس وراهن لغزز احس وراهن بلاوي محد بكدي يعرف ايسر ابددددد حتى هوه يكول :- ماكدر اضم عليج شي لان عيونج يخلني اهابج واحترمج وماضم عليج ولا اكذب عيونج يسحرني   ...

دوم هيج يكولي.... لزمت وجه بايدي وخليت عيني بعينه وكتله :-ايسررر بداعتي وبروح ابوك احجي الصدك ايسر اهلي بيهم شي ...

غمض عيونه وراد يحجي ...من هيج غمض عيونه احس خناجر ونبتت بروحي احس خنجر ونحط بخاصرتي من وراه احسس ماكدر احجي بس كلت اله كلمة :-منوو ايسر احجي منوووووو شصاير لاهلي ...

-يروحي ماكو....قاطعته واني اضرب على صدره

-احجي ...احجي ايسرررر احجيي امي بيها شي ابويه احججيييييي  .....ااااااااااااااااه

بس ذكرت  ابويه تخبلت صرت اضرب بروحي بطريقه هستريا صرت اصيح واني ماعرف اذا صح او غلط بس كل الي اعرفه ابوييييييه تاذه ابويه بي شي ...

ايسر يريد يلزمني مايكدر  وهوه كال :-البقية بحياتج
...لو اني تخبلت لاخليت ثوب ولا شعر موتت نفسي ماعرف شلون اوصف هاي اللحضات بس هلحضات صعبه اذكره كلش صعبه احس داختنك ...