كحل العيون

البارت {47}

((#كحل_العيون))

البــــــــــارت السابع والاربعون 💕💕

العيون استراحن هودن بالشوف ...
والگلوب التقن وبشوگنه احترگن ...

~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~

باوعلي صفح وكال لاسماء :-بعد اخوج بلا امر عليج بس خدريلنه الجاي وانطيني هسه ماي ..

اباوع لاسماء ابتسمت وكالت :-تدلل هسه راح اخدرلك الجاي ولا يهمك ...

ابتسم وكال :-ماتقصرين ام حمووودي ...

احس نارر وشبت بجسمي من تجاهلني نوب اريده يباوعلي حتى اخزره ماكوو يسولف ويه اسماء ويضحك ومتجاهلني ولا يباوع بوجهي ...

تمنيت لو بس اكضه حته ازوعه العافيه هلنذل ...

اخذ صينيه المي وطلع ولا عبالك اني كباله قليل الادب بشرر مو مال احترام اني كبرت راسه ..

رحت دخلت كعدت يم اهل ايفان وخلي امي شماتحجي خلتحجي شنيي ماكوو بس طركاعه هناء ...

كعدت يم عمتها حبابه ضلت تسولف وياي وتسال ايفان على وضعها وحملهاا واني لو اكض هذا ابو راس المربع ءااااخ ءاااخ ...

شويه وصبينه غده الزلم وحد ونسوان وحد ..

خلصوو غده ووكفنه على المواعين ولشغل بعدنه مامكملين وطلعوو اهل ايفان كالو ورانه درب خطيه ايسرر رادهم يضلون بس كالوو ورانه طريق ...

والي فهمته على اساس اجو ثنين من اعمامها ووياهم ولد ابن عمهاا وعلى حجي ايهاب انوو زياد وكم واحد من عمامي لماا عرفوا هذوله جاين طالعين وماضالين وجدوو مرحب بيهم ..

بالف يالله خلصنه التنظيف ب3 وهم زين رنااا الله هاديها وواكفه ويانه ...ولو ايفان وكفاتها ويه كل العائله مو شويه ...

صعدت الغرفتي طلعت ملابس ورحت للحمام سبحت ورجعت كعدت مشطت ...

بهلاثناء اجه على بالي ابو راس المربع وكلامه من كتله شبيك وكال :-انتي بيه ..

ءححححح معقوله صدك يحبني زين اني ليش هلكد افكر بي معقوله هم احبه اووووف ...

سحبت موبايلي ودخلت على الفيسبوك صارلي زمان مفاتحته ...

دخلت جان اشوف كومه طلبات صداقه ومن ظمنهم Ali Jassam هيج مكتوب اسمه بلنكليزي ...

دخلت لكيته منطيني متابعه انتبهت هذا نفسه الي هذاك ليوم شفنه اني وايفان وعبالنه اجنبي ...

دخلت على صورته واكبرر بيهاا على عيونه شفايفه شواربه لحيته لو خشمه ...اريد اتذكر شكل علي قبل لا يسافر ماذكره هوه اكبر مني بهواي تقريبا هوه بعمر ايسر اخويه او اصغر منه بسنه سنتين ...