كحل العيون

البارت{23}

البــــــــــارت الثالث والعشرون 💕💕

وَتمُر بيه طوايف شوًك ....
وأتذكر ضَحكتك ....
وأنسىّ كُل حزِنيَ .....

~~~~~~~~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~~~~~~~~
مافتحت حلكي بحرف وماعاندته صعدت دخلت كعدت وحدي مددت على القنفه وكلش نعسانه بس ادري بروحي ماكدر انام وادري ايسر راح يجي لو يودي علي......

مليت شنو عاد اكوم احرك روحي ارتاح باوعت للساعه بــ10 صارت كمت فتحت البرده وباوعت من وره الجام مضلل محد يشوفني ... الزلم تطبخ ولد عمهم وحيدر والنسوان هم وياهم بس مو البنات الصغار لان مايقبولون مو مثلنه عادي.... شفت ايسر رافع الدشادشه كاضه بحلكه وتكابلوا هوه وحيدر شالو الجدر يمكن مال تشريب لان جبير وحطو يم الباب مال المطبخ هوه غسل اديه وطب لجوه ....

اني ضليت اباوع عليهم وذكرت اهلي من نطبخ احنه ابد منعزم ولا النه بهلهوسه يكولون هذا كلها رياء كدام الناس والحسين ميقبل بي.... فيرتبون الاكل بسفريات ويروحون يعرفون منطقه تعبانه والناس لبيها حالتهم ضعيفه فهمه يرحون يوزعوا على كل اهل المنطقه وهيج يكولون نرضي الله وتشبع الناس الحالته تعبانه من زاد الحسين احسن ماننطي للناس الي يمنه وهمه خير من الله هوه ثواب اي فاذا كلش يطلعون بيتين من يمنه هيج شي واحنه نحصل الحكاك نكعد اني ولد عمي نحك بجدوره ونغسلهن ونتعارك ههههههه والله شتاقيت لهاي الايام اوووف......

بهلاثناء اندك الباب كمت فتحته باوعت سعد ابن ايمن كال :هااا عمه يكول عمو ايسر خلي تجي..

-هوه عمك وين

-يم بيبي كاعد

-ها خوش، اوكفلي خلي أسد الباب واجي وياك... (ذكرت ايسر مره كلي خاف كله تجي خطار لو عزيمه باب الغرفه تقفلي ومفتاحج عندج ديري بالج عليه كلت خل اقفله احسن كلشي يصير هوه لو مايعرف اهله ميحجي هيج) قفلته ونزلت ويه ابن ايمن واكاله :عود انته ليش هيج حلو

باوعلي وضحك :عمه انتي ضحكين عليه مشوفيني مزنجر

- ههههه لا والله عده شقه انته حلو جنك عمك فديته.... عزه ليش انتم حلوين

-هههههه ليش عمي حلو واحنه حلوين هههههه والله ضحكين وماشوفينه سود من شمس البصره دك بينا دك وين الحلوين ضحكين علينه هههههههه انطيج عيوني شوفين بيها احنه فلا حلوين

-كممم لك عمك يخبل بس....

-بس شواربه الي يشوفه يصير عنده ادرار لاارادي

-ههههههههههه والله قويه الخوف يعدل الطوف

-ماتشوفين انتي ماتفكين حلكج ويه عمي هههه

-والله نذل مو مال واحد يشاقه وياك

احنه نمشي ونسولف من نزلنه الدرج جانن عمات ايسر كاعدات بلصاله يلكطن بلخضره ندسته حته ميحجي هوه ضحك ونزل طلع واني توجهت لغرفة خالتي سمعت وحده منهن تكول :والله زمن صارت الفصليات فوك الغيم واحنه النشتغل عنهن.........