كحل العيون

البارت {44}

((#كحل_العيون))

البــــــــــارت الرابع والاربعون 💕💕

خميت الوجوه اشكال ....
وبست كل العيون الناويه تشوفك ....

~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~

صعدت اني وهناء وخاله بلوره ووائل ابن عمهم بصدر  وعلي يسوق ..

وحرك السياره لبغداد واني طول الطريق اتخيل راح اشوفه واحضنه والمه بروحي مشتاكتله حيللل ..

راسي على الجامه ودموعي تطيح على الجام مختنكه حيللل مجرد اتخيلللل ايسرر تعبان هوه من هناا اذا عصب اخافف واروح احضنه حتى يهدى مو زين عليه العصبيه ،شنو وضعه هسه تعبان ،جوعان ،مشتاكلي،ممشتاكلي ..

ماعرف شكد مر وقت ودخلنه بغداد اباوع شوارعها واذكرر من اجينه سويه وهوه ايده بايدي ويسوق لو من اتكي راسي على كتفه اووووف ...

شويه ووصلنه للمستشفى اريد بس انزللل واروحله المه بحضني اريد افتح لباب مينفتح حجه علي :- خويه اني قفلت لباب اسمعني قبل لا تنزلن ترا جوه الدنيا عالكه كله زلم ضباط وشرطه وشيوخ يعني ابددد لا تاملن هسه تشوفنه واصلا محد يشوفه وهوه هستوهم طلعوا من العمليات ....

قاطعته هناء وهيه تسال :-والعمليه نحجت؟؟؟

-لا تخافين العمليه نجحت هسه تنزلن وتكعدن بعيد عنهم خوش لو مو خوش ...

ام ايمن :- جااا يمه اريد اشوف وليدي

-تشوفي عمه تشوفي بس صبرج عليه يبعد حيلي

سكتت خاله وفتحنه الباب ونزلنه واني بطني كبرانه طالعه لكدام وعبايه فوكها وايدي على بطني وادهده ودمعتي بعيني ...

دخلنه للمستشفى وخاله تمشي كبالنه هيه ووائل وهناء كايدتني وعلي راح يصف السيارة ...

مشينه اني وهنوه وره وائل نوب صعدنه بلمصعد واني دخت ...

كوه وصلنه للغرفه لبيها ايسر بلخاص بس شنوو الدنيااا مكلوبه كلاب اول مارفعت راسي صار كبالي مجموعات مال زلم وكلها بدلات عسكريه لو شيوخ وعكل ..

طاحت الدمعه من عيني يعني ماكدر اشوفه ..

الولد ايهاب ومهيمن من شافو خاله فتحوو عيونهم على وسعها واجوو يسالون :-شجابجن ..

خاله باوعتله بخزره وتحجي بحركه :-ولكك ابنييي بين الحيااا والموتت وانتم ولا همكم تكولون لامكم ولكمم ليشششش ليشششش

جر مهيمن خاله على صفحه واحنه وراهم ..وايهاب دنك باس راسها وكال :-يبعد رويحتي يايمه حكج بس والقران وروح ابوي ماردنه نخوفج ..

-وهسه اخيك شلونه

ابتسم وطبط على ايد خاله :-لا لتخافين يبعد حيلي بخير وسلامه سوله العمليه والحمد لله نجحت هوه مصوب بايده وكال الدكتور إحتمال يصير عنده شلل نصفي بلايد اليمنه وداخله شضايه بعينه اليسره وماذيه شبكت العين مما ادى الى خسران النضر بعينه اليسره وعنده كسرر بسيط ..بس اهم شي يكوم بسلامه ويرجع بخير وعافيه ...لا تخافون