كحل العيون

البارت {42}»»

((#كحل_العيون))

البــــــــــارت الثاني والاربعون 💕💕

خدك لو يصح فنچان .....
عشر سنين ما هزة ......
هيَ العافية بخدك .....
مو بشمة الخبزة .......

الشاعر ((انييي 🤨🤨🤨🥺🥺😂❤️‍🩹))

اكو احد عنده اعتراض لا سامح الله 🙂🙂😒🥺😂
~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~

جان اشوف ايسر راجع ويمشي سريع تقرب مني ولزم فكي بايده وباسني حيل وباس راسي وعدل لبيريه وطلع بدون ولا كلمه بس ابتسم ......

دخلت للبيت واني مبتسمه شربت مي وصعدت لغرفتي تمددت هسه حطيت راسي هلمخده غفيت .....

هلفتره ودي بس انام ......ماكعدت غير الساعه ب11 صبح وجسمي كله مكسر ..

كمت دخلت سبحت وبدلت ونزلت لكيتهم كلهم كاعدين ...

سلمت وكعدت يمهن وخاله تسالني على ايسر يمته طلع ..

كتلها :-طلع الفجر بعد الصلاة

رفعت اديها وكالت :-  اللهم إني أستودعك أبنائي فهم قطعة من قلبي وقد غابت عنهم عيني، ولكن عينك لم تغب ، فيا الله احفظهم حفظًا يليق بعظمتك.يارب العالمين..

الكل :-امين يارب ...

نوب خاله علمتني على كم دعاء كالت دوم رددي ودعاء لحفضل الحمل {اللهم إني أسألك أن لك الحمد لا إله إلا أنت الحنان المنان، بديع السموات والأرض، ذو الجلال والإكرام، برحمتك يا أرحم الراحمين أن تحمي لي جنيني وتحفظه بحفظك....}»»»»

حفضتهن وصرت دوم اردد بيهن احط ايدي على بطني واردد دعاء لحفض و من سولفت لامي

كلتلي هذا الدعاء اقري يريح قلبج{ اللَّهُمَّ إني عبدك ابن عبدك ابن أمتك ناصيتي بيدك ماضٍ فيِّ حكمك عدلٌ فيِّ قضاؤك أسألك بكل اسم هو لك سميت به نفسك أو أنزلته في كتابك أو علمته أحد من خلقك أو استأثرت به في علم الغيب عندك أن تجعل القرآن ربيع قلبي، ونور صدري، وجلاء حُزني، وذهاب همِّي}»»»

مرت الايام وخاله متقبل اصعد تكلي كاعده وحدج شكوو غرفتج وحشه مو زين عليج تعاي بغرفتي شعندي اني ...

صدك والله نزلت غراضي الي احتاجها وصرت انام بغرفة خاله وهيه دوم تكعد تسولفلي على ايام زمان وشلون جانوو عايشين وتعلمني وتنصحني ....

البارحه دخلت بشهر الرابع و يوم 15 كالت خاله اخذج للدكتوره تجيك وضعج ....

كعدت الصبح جان اشوف على فراشي قطرات دم ...

اني هنااا تخبلت تذكرت حملي لاول وتخبلت ...

اجت خاله شافتني وخافت خطيه مثلي ...
صاحت على ايهاب شغل سيارته وخاله حطت عباتها على راسها واني لبست عباتي واحس وجع من جوه موتني ....مادري من القلق والتوتر هيج احس ...