كحل العيون

البارت {50}

((#كحل_العيون))

البــــــــــارت الخمسون 💕 💕

انتي روحي وراحتي...
واخر ندى على الورد ينزل..
انتي ليلي ولالتي وتفاحتي..
الجمعت حلاة الشمس والضل...

((لــِ عريان السيد خلف))

~~~~~~~~~~~~~~~~~~~~~
بقلم :اختكم الصغيره استبرق الكردي 👸🏻💕
~~~~~~~~~~~~~~~~~~~~~

فزيت على صوت خلفي وهوه يكول :-ااي ست هناء شلونج؟؟

انداريت مباشرةً اريد اشوف منو اليحجي وتمنيتا مو الي ببالي
لكن وللأسف طلع هوه الي ببالي واكف ومنتكي على الحايط ورافع تك حاجب ويحجي

تملكت اعصابي وقبضت على ايدي وكتله :-شنوو الي تريده انت؟؟؟

عدل وكفته واتقرب مني واني بمكاني وهوه يكول :-شنو الي اريده؟؟ هناء انتي ليش هيج تصرفين وياي بشنو اذيتج!!؟؟ ليش هيج تغلطين طلعتي من عيني كلامج مو كلام وحده بنت شيوخ!!

رديت يتنرفز :-وهسه شتريد؟؟ هاي اني اذا ماعجبك الباب يدخل جمل... بس العتب مو عليك لاا العتب عليه انيي عبني خليتك شخص قريب كلش مني وانت تنشر ويه هيج وحده... عيب عليك اهاك واعمامك وجدك كلها تشوف جان خجلت

طول ماحجي يباوعلي بنظرات غريبه، واني ماكدر احط. عيني بعينه
تقرب مني رجعت للخلف، تقرب اكثر واني رجعت للخلف لحد ماطخيت بلحايط وهوه كلش قريب مني

لحد هلحضه ابعد نظري عنه وهوه ويه كل خطوه يخطيها يكول بكلمات متقطعه :-بس؟؟،،، بس هذا؟؟بس هذا الي شاغل بالج؟؟،، بس هذا الي مضوجج؟؟،،،، بس هذا الي مذبل ملامح وجهج؟؟،،،، بس؟؟!!!

صار قريب كلش مني رفع ايده وخلاها على الحايط الي بظهري،، والبعد الي بيني وبينه هيه مسافة ايده بلحايط..

وجهه قريب من وجهي اول مره هيج اكون قريبه منه
احس جسمي كله يرجف.. كلبي من السرعه يريد يطلع من صدري

النفس بصعوبه اجره بس امثل اني طبيعيه!!

عيني خلف علي واباوع منا ومناا وكل شويه احس راح يدخل احد

بس انظاره كلهاا عليه كل ماريد التفت وتصير عيني عليه الكاه يباوعلي وابد ماشال عينه

كمية التوتر مو طبيعيه عيني على الباب خاف احد يجي وكلبي وروحي ماسيطر عليهن

لساني ثكل والكلمه ماتطلع مني،،

لزم وجهي بايده وكال :-حطي عينج بعيني

ويه مصارت عيني بعينه بعدتهاا عنه،، رجع لزم وجهي وكال :-هناء حطي عينج بعيني.

قويت نفسي وحطيت عيني بعينه،، احس كهرباء واخترقت كل جسمي

بعدت عيني عنه ونزلت راسي واني اكله :-الله يخليك ابتعد عنيي 

-هناء تخافين مني