" ကျွန်တော်ချစ်ရသော ထိုကောင်လေး " ( Completed )

" ကျွန်တော်ချစ်ရသော ထိုကောင်လေး " Part ( 28 )

''ကျွန်တော်ချစ်ရသော  ထိုကောင်လေး''

                 *****အခန်း (၂၈)****

     ပဒေသရာဇ် တို့၏ဆိုင်ခွဲဖွင့်သော ဖွင့်ပွဲသို့ ခွန်းဆက်ပိုင်တက်ရောက်လာလေသည်။ အနောက်တိုင်းအနက်ရောင်ဝတ်စုံကို ခွန်းဆက်ပိုင်တစ်ယောက် ခန့်ညားစွာနှင့် ဝတ်ဆင်ထားလေသည်။ ယနေ့ဟာဆို လျှင် ခွန်းဆက်ပိုင်အဖို့ ပြောရလျှင် အရေးကြီးတဲ့နေ့လေးဆိုလျှင်လည်း မှားမည်မထင်ပေ။ ဆိုင်သစ်ဖွင့်ပွဲအတွက် သတင်းယူကြမည့် သတင်းမီဒီယာ များကလည်း ရောက်ရှိနေကြလေပြီး ကြိုတင်ပြင်ဆင်ရိုက်ကူးထားခဲ့သော ကြေငြာပိုစတာများလည်း ဆိုင်ရဲ့အထင်ကရလူမြင်သာသောနေရာတွင်ချိတ်ဆွဲထားလေသည်။

         ထိုဖွင့်ပွဲလေးနှင့် သူလက်ခံရိုက်ကူးထားပေးခဲ့သော ကြေငြာများကိုလည်း မနက်ဖြန်မှာဆို သတင်းကြေငြာတွေမှာပါတော့မို့ သူလွန်စွာတော့စိတ်လှုပ်ရှားလေနေသည်။ ကားလေးပေါ်မှာ ခွန်းဆက်ပိုင်ဆင်းလာခဲ့လေသည် ကားပေါ်မှာတော့ စစ်သွေးလျှံနှင့် ဒေါ်ဝတ်ရည်ချိုတို့ လိုက်ပါလာခဲ့လေသည်။ ခွန်းဆက်ပိုင်ကားပေါ်ကနေဆင်းသည်ဆိုသည်နှင့် သတင်းသများက ကင်မရာတစ်ဖျတ်ဖျတ်နှင့် အမိအရရိုက်ယူလေကြတော့သည်။ သို့သော်ခွန်းဆက်ပိုင်ကအပြုံးမပျက်ဘဲ အရိုက်ခံပေးလေသည်။ ထို့နောက်ဆိုင်ရဲ့သတ်မှတ်ထားသောဖွင့်ပွဲနေရာလေးသို့ ခွန်းဆက်ပိုင်ရောက်လာခဲ့လေသည်။ ဖဲကြိုးဖြတ်ဖွင့်လှစ်မှာဖြစ်သောကြောင့် ဆိုင်ပိုင်ရှင်ဒေါ်ပပဝတီနှင့် လုပ်ငန်း၏မန်နေဂျာဖြစ်သူ မရွှေရည်ဖူး၊ခွန်းဆက်ပိုင်နှင့် မြို့နယ်ရှိအချောအလှလေး လေးယောက်တို့ကသတ်မှတ်ထားသော နေရာလေးမှာ အသီးသီးနေယူကြလေသည်။ ထို့နောက် ပွဲကိုစီစဉ်တက်ဆက်သူက စကားအနည်းငယ်ပြောကြားကာ ဖွင့်ပွဲကို စတင်ကြောင်းကြေငြာကာ ဖဲကြိုးဖြတ်ဖွင့်လှစ်လေတော့သည်။ တက်ရောက်လာကြသော ပရိတ်သတ်များက အားပေးလုပ်ခုပ်တီးကြလေတော့သည်။

            ဆယ်ကျော်သက်ပျိုမေများကလည်း ခွန်းဆက်ပိုင်နှင့် ဓာတ်ပုံတွဲရိုက်ရမယ့် အခွင့်အရေးကို စောင့်မျှော်ကာ ရင်ခုန်နေကြလေသည်။ ဖွင့်ပွဲလာကြသော ပရိတ်သတ်များထဲကမှ ကံထူးသူဆယ်ဦးကို ရွေးချယ်ယူ၍ ခြောက်လစာ ဝန်ဆောင်မှုအခမဲ့လုပ်ပေးမှာဖြစ်ပြီး အခြားသော ပရိုမိုရှင်းနှင့် လက်ဆောင်အစီအစဉ်များလည်း ရှိသေးတာကြောင့်တစ်ကြောင်း၊ ဆယ်ကျော်သက်တွေအကြိုက် ခွန်းဆက်ပိုင်က ကိုယ်တိုင်မဲဖောက်ကာ ဓာတ်ပုံတွဲရိုက်အော်တိုလက်မှတ်များ ထိုးပေးမည်ကတစ်ကြောင်း၊ ဆယ်စုနှစ်ပေါင်းများစွာ နာမည်ကြီးလာသော ဆိုင်တစ်ဆိုင်၏ ဂုဏ်သတင်းကြောင့်လည်းကောင်း အကြောင်းအမျိုးမျိုးကြောင်းနဲ့အခုဆိုင်သစ်ဖွင့်ပွဲလေးက  ခွန်းဆက်ပိုင်ရဲ့အောင်မြင်မှုအတွက်လည်းလွန်စွာစည်ကားလှလေနေလေတော့သည်။